ପାଟଣାଗଡ଼ରେ ଗୋଟିଏ ଘଣ୍ଟା ମଧ୍ୟରେ ୫ ଦୁର୍ଘଟଣା

ପାଟଣାଗଡ଼, (ଅଶୋକ କୁମାର ବାଗ) : ପାଟଣାଗଡ଼ରେ ଗୋଟିଏ ଘଣ୍ଟା ମଧ୍ୟରେ ୫ ଦୁର୍ଘଟଣା । ଦୁର୍ଘଟଣାରେ ୧୨ ଆହତ ହୋଇ ପାଟଣାଗଡ଼ ଡ଼ାକ୍ତର ଖାନାରେ ଭର୍ତ୍ତି ହୋଇଥିବା ଖବର ଆସିଛି । ୧୨ ଜଣଙ୍କ ମଧ୍ୟରୁ ଦୁଇ ଜଣଙ୍କ ଅବସ୍ଥା ଅତି ଗୁରୁତର ହୋଇଥିବାରୁ ତାଙ୍କୁ ବଲାଙ୍ଗିର ଭୀମ ଭୋଇ ମେଡ଼ିକାଲକୁ ସ୍ଥାନାନ୍ତରିତ କରାଯାଇଛି । ପାଟଣାଗଡ଼ ନିର୍ବାଚନ ମଣ୍ଡଳୀ ବେଲପଡ଼ା ବ୍ଲକର କପାଣି ବ୍ରିଜ ନିକଟରେ, ପାଟଣାଗଡ଼ ପେଟ୍ରୋଲ ପମ୍ପ ନିକଟରେ, ଗୁହୁରିଆମୁଣ୍ଡା, ରାମପୁର ଓ ତମିଆ ନିକଟରେ ଦୁର୍ଘଟଣା ହୋଇ ଗୋଟିଏ ଘଣ୍ଟା ମଧ୍ୟରେ ୧୨ ଜଣ ଗୁରୁତର ହୋଇଥିବା ସୂଚନା ରହିଛି । ଗୁରୁତର ମାନଙ୍କୁ ସ୍ଥାନୀୟ ଲୋକମାନେ ଉଦ୍ଧାର କରି ଆମ୍ବୁଲାନ୍ସ ଯୋଗେ ପାଟଣାଗଡ଼ ଡ଼ାକ୍ତର ଖାନାରେ ଭର୍ତ୍ତି କରିଥିବା ସୂଚନା ରହିଛି । ଖବର ପ୍ରସାରିତ ପରେ ଘଟଣାକୁ ନେଇ ଜୋର୍‌ ଚର୍ଚ୍ଚା ହେଉଛି ।