ମୁରିବାହାଲ, (ଦୁର୍ଗାନନ୍ଦ ମହାକୁର) : ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକ ଗୁଡିଘାଟ ପଞ୍ଚାୟତ ବାରବନ୍ଧ ଗ୍ରାମର ଖେଳପଡିଆଠାରେ ମାଁ ବାରଖୁଲେନ କ୍ରିକେଟ ଟୁର୍ଣ୍ଣାମେଣ୍ଟ ଉଦ୍ଘାଟିତ ହୋଇଯାଇଛି । ବାରବନ୍ଧ କ୍ରିକେଟ କ୍ଳବ ଆନୁକୁଲ୍ୟରେ ଅନୁଷ୍ଠିତ ଏହି କ୍ରିକେଟ ଟୁର୍ଣ୍ଣାମେଣ୍ଟର ଉଦ୍ଘାଟନୀ ଦିବସରେ ଗୁଡିଘାଟ ସରପଞ୍ଚଙ୍କ ପ୍ରତିନିଧି ତଥା ଯୁବ ସମାଜସେବୀ ଗିରିଧାରୀ ମହାନନ୍ଦ ମୂଖ୍ୟ ଅତିଥି, ସମାଜସେବୀ ତଥା ଯୁବ ସାମ୍ବାଦିକ ଗିରିଧାରୀ ସାହୁ ଓ ସମାଜ ସେବୀ ଦୁର୍ବାସା ସାହୁ ସମ୍ମାନିତ ଅତିଥି ରୂପେ ଯୋଗଦେଇଥିଲେ । ମୁଖ୍ୟ ଅତିଥି ଓ ସମ୍ମାନିତ ଅତିଥି ଫିତା କାଟି ମ୍ୟାଚ୍ର ଶୁଭାରମ୍ଭ କରିବା ସହ ଖେଳାଳିଙ୍କୁ ଉତ୍ସାହିତ କରିଥିଲେ । ଉଦ୍ଘାଟନି ମ୍ୟାଚ୍ର ପ୍ରଥମ ରାଉଣ୍ଡ ଖେଳରେ ବାରବନ୍ଧ ଦଳକୁ ହରାଇ ବିଛୁବାହାଲି ଦଳ ବିଜୟୀ ହୋଇଥିଲା । ସେହିପରି ଦ୍ଵିତୀୟ ରାଉଣ୍ଡରେ ଗୁଡିଘାଟ ଦଳକୁ ହରାଇ କର୍ଲାବାହାଲି ଦଳ ବିଜୟୀ ହୋଇଥିଲା । ସେହିପରି ପ୍ରଥମ ଦିନର କ୍ୱାର୍ଟର ଫାଇନାଲ ମ୍ୟାଚ୍ ବିଛୁବାହାଲି ଓ କର୍ଲାବାହାଲି ଦଳ ମଧ୍ୟରେ ଅନୁଷ୍ଠିତ ହୋଇଥିବା ବେଳେ ବିଛୁବାହାଲି ଦଳ ବିଜୟୀ ହୋଇ ସେମି ଫାଇନାଲକୁ ଯାଇଛି । ଅମ୍ପାୟାର ରୂପେ ଭିକାରି ଭୋଇ ଓ ଲେଗ ଅମ୍ପାୟାର ରୂପେ ବିକାଶ ନାଏକ ଖେଳ ପରିଚାଳନା କରିଥିଲେ । ବାରବନ୍ଧ କ୍ରିକେଟ କ୍ଲବର କ୍ୟାପଟେନ ଧୁବଲେ ଭୋଇ, ଭାଇସ କ୍ୟାପଟେନ୍ ଆକାଶ ସାହୁ, କମିଟି ସଭାପତି ଭିକାରୀ ଭୋଇ, ଉପସଭାପତି ପରମା ଭୋଇ, କାର୍ଯ୍ୟକାରୀ ସଭାପତି ଖଗେଶ୍ୱର ଚିନ୍ଦା, ଉପଦେଷ୍ଟା ରାଜିନ୍ଦ୍ର ଭୋଇ, କମିଟି ମେମ୍ବର ପଦ୍ମନ ମାଝୀ, ମଣ୍ଟୁ ନାଏକ, ଘନ ଭୋଇ, ଅର୍ଜୁନ ଭୋଇ, ବିବେକ ସାହୁ, ପ୍ରଦୀପ ଭୋଇ, ରାଜୁ ଭୋଇ, ଅମିତ୍ ନାଏକ, ଗୁଣନିଧି ଭୋଇ, ଲିଙ୍କନ ସାହୁ, ବଣ୍ଟି ସାହୁ, ଉମାକାନ୍ତ ନାଏକ ପ୍ରମୁଖଙ୍କ ସହ ଗ୍ରାମବାସୀ ସହଯୋଗ କରୁଛନ୍ତି