କଳାହାଣ୍ଡି, (ଶୁଭେନ୍ଦୁ କୁମାର ପଣ୍ଡା) : ଭବାନୀପାଟଣା ମା’ ମାଣିକେଶ୍ୱରୀ ବିଶ୍ୱବିଦ୍ୟାଳୟର କୁଳପତି ପ୍ରଫେସର ସଞ୍ଜୟ ସତପଥୀଙ୍କ ଆଜି ସକାଳେ ଭୁବନେଶ୍ୱରର ଏକ ଘରୋଇ ଡାକ୍ତରଖାନାରେ ପରଲୋକ ହୋଇଯାଇଛି । ଗତ କିଛିଦିନ ହେଲା ସେ ଅସୁସ୍ଥ ଥିଲେ ଏବଂ ଭୁବନେଶ୍ୱରରେ ରହୁଥିଲେ । ଶ୍ରୀ ସତପଥୀଙ୍କ ବିୟୋଗରେ ବିଶ୍ୱବିଦ୍ୟାଳୟର ଛାତ୍ରଛାତ୍ରୀ, କର୍ମଚାରୀ ଏବଂ ଶିକ୍ଷାପ୍ରେମୀଙ୍କ ମହଲରେ ଶୋକର ଛାୟା ଖେଳି ଯାଇଛି । ପ୍ରଫେସର ସତପଥୀ ଜଣେ ସୁବକ୍ତା, ଶିକ୍ଷାବିତ୍, ପ୍ରବଚକ, ଉଦ୍ଘୋଷକ, ପ୍ରାବନ୍ଧିକ, ସୁସାହିତ୍ୟିକ ଭାବେ ବେଶ ଜଣାଶୁଣା ଥିଲେ ।