ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ଜିଲ୍ଲା ଆଗଲପୁର ବ୍ଲକ ଭରସୁଜା ପଂଚାୟତ ରାଜୀବ ଗାନ୍ଧୀ ସେବାକେନ୍ଦ୍ର ଠାରେ କୃଷି ଓ କୃଷକ ସଶକ୍ତକରଣ ଓଡିଶା ସରକାରଙ୍କ ତରଫରୁ ତଥା ତ୍ରିରଙ୍ଗା ଯୁବକ ସଂଘ ଦ୍ୱାରା କୃଷକ ପ୍ରଡୁସର କମ୍ପାନୀ ଓ ସ୍ଵଂୟ ସହାୟକ ଦଳମାନଙ୍କୁ ନେଇ ସ୍ଵୀକୃତି ମହୋତ୍ସବ ଅନୁଷ୍ଠିତ ହୋଇଯାଇଛି । ପ୍ରାରମ୍ଭରେ ଏସ୍.ଏଚ୍.ଜି ଦଳ ଗୁଡିକ ତରଫରୁ ପ୍ରସ୍ତୁତ ରନ୍ଧାଖାଦ୍ୟ ଉପରେ ଏକ ପ୍ରଦର୍ଶନୀ କରାଯାଇଥିଲା । ଉପଯୁକ୍ତ ଭାବେ ପ୍ରସ୍ତୁତ ହୋଇଥିବା ଖାଦ୍ୟର ସ୍ୱାଦ ଓ ମାନ ପରୀକ୍ଷଣ କରାଯାଇ ପ୍ରଥମ, ଦ୍ଵିତୀୟ ଓ ତୃତୀୟ ମନୋନୀତ ହୋଇଥିବା ଦଳକୁ ପୁରସ୍କୃତ କରାଯାଇଥିଲା । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଡି.ଏଲ୍.ଏମ୍. ସୂର୍ଯ୍ୟ କୁମାର ଦାସ ଏବଂ ସମ୍ମାନିତ ଅତିଥିଭାବେ ବ୍ଲକ ସହକାରୀ କୃଷି ଅଧିକାରୀ ଆଶିଷ କୁମାର ପାଣିଗ୍ରାହୀ, ବ୍ଲକ ଉପାଧ୍ୟକ୍ଷା ନିରୁପମା ପଧାନ ପ୍ରମୁଖ ଯୋଗଦେଇଥିଲେ । ଅନ୍ୟମାନଙ୍କ ମଧ୍ୟରେ ତ୍ରିରଙ୍ଗା ଯୁବକ ସଂଘ ସଭାପତି ହୃଦାନନ୍ଦ ନାୟକ, ସମ୍ପାଦକ କୈଳାଶ ଚନ୍ଦ୍ର ସାହୁ, କୃଷକ ସାଥି ମନୋଜ ପଧାନ, ଦୁର୍ଗାପ୍ରସାଦ ସାହୁ, ରାଜକୁମାର ହାତୀ ପ୍ରମୁଖ ମଞ୍ଚାସୀନ ଥିଲେ । ସାଇରାଜ, କୃଷି ଉଜାଲା, ବଂଜାରେନ, ପୃତୁନା, ଅଙ୍ଗଭେଲି କୃଷକ ସଂଗଠନ ଗୁଡ଼ିକୁ ଅତିଥିମାନଙ୍କ ଦ୍ଵାରା ମାନପତ୍ର ପ୍ରଦାନ କରାଯାଇଥିଲା । ମନୋଜ ପଧାନ ସ୍ୱାଗତ ଅଭିଭାଷଣ ଦେଇଥିବା ବେଳେ ତ୍ରିରଙ୍ଗା ଯୁବକ ସଂଘ ବ୍ଲକ ସଂଯୋଜକ ଆଶିଷ କୁମାର ପଧାନ କାର୍ଯ୍ୟକ୍ରମ ପରିଚାଳନା କରିଥିଲେ । ବିବେକାନନ୍ଦ ସ୍ୱାଇଁ, ବବୁଲୁ ରଣା, ବିପ୍ଳବ ସାହୁ, ପଙ୍କଜ ସାହୁ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।