ବଲାଙ୍ଗିର, (ଦେବାଶିଷ ମିଶ୍ର) : ସର୍ବ ଭାରତୀୟ ଅବସରପ୍ରାପ୍ତ କେନ୍ଦ୍ର ସରକାରୀ ସଂଘ, ବଲାଙ୍ଗିର ଶାଖା ତରଫରୁ ସ୍ଥାନୀୟ ଶବରୀନାରାୟଣ ଧର୍ମଶାଳା ଠାରେ କାର୍ଯ୍ୟକାରି ସଭାପତି ମଧୁ ମିର୍ଦ୍ଧାଙ୍କ ସଭାପତିତ୍ୱରେ ରାଷ୍ଟ୍ରୀୟ ପେନସନର୍ସ ଦିବସ ମହା ଆଡମ୍ବରରେ ପାଳିତ ହୋଇଯାଇଛି । ଅର୍ଜୁନ ଚରଣ ସେଠି, ଜିରେମନ ଦିପ, ବିପିନ ବିହାରୀ ନେଗୀ, ନିଳାଞ୍ଚଳ ହୋତା ଏବଂ ଅନ୍ତର୍ଯ୍ୟାମୀ ପୁଝାରୀ ପେନସନର୍ସ ଏବଂ ବୟୋଜୈଷ୍ଠମାନଙ୍କ ଉଦ୍ଦେଶ୍ୟରେ ସ୍ୱାସ୍ଥ୍ୟ ବିଷୟରେ କିପରି ସଚେତନ ହେବେ, ଜିବନଶୈଳୀ ଇତ୍ୟାଦି ଉପରେ ଆଲୋକପାତ କରିଥିଲେ । ସମ୍ପାଦକ ବୃଷଭ ସା ପେନସନ ସଂଘର ତାତ୍ପର୍ଯ୍ୟ ଏବଂ ପେନସନର୍ସ ଦିବସର ଇତିହାସ ବିଷୟରେ ପୁଙ୍ଖାନୁପୁଙ୍ଖ ଭାବେ ଆଲୋଚନା କରିଥିଲେ । କୋଷାଧ୍ୟକ୍ଷ ରାହାସ ବିହାରୀ ଭୋଇ ସଂଘର ଆୟ ବ୍ୟୟର ସମିକ୍ଷା କରି ଗୋରଖପୁର ଠାରେ ହୋଇଥିବା ୬୯ତମ ସର୍ବ ଭାରତୀୟ ଦ୍ୱିବାର୍ଷିକ ଅଧିବେଶନ ବିଷୟରେ ଆଲୋକପାତ କରିଥିଲେ । ରମାକାନ୍ତ ପାଣିଗ୍ରାହୀ ଧନ୍ୟବାଦ ଅର୍ପଣ କରିଥିଲେ । ସଂଘର ସଭ୍ୟମାନେ ସଭା କାର୍ଯ୍ୟ ପରିଚାଳନାରେ ସାହାଯ୍ୟ କରିଥିଲେ ।