ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ଜେ.ଏସ୍.ଏମ କଳା, ବିଜ୍ଞାନ ଏବଂ ବାଣିଜ୍ୟ ମହାବିଦ୍ୟାଳୟର ୪୬ ଛାତ୍ରଛାତ୍ରୀ ଓ ୯ ଜଣ ଶିକ୍ଷକ ଶିକ୍ଷୟତ୍ରୀମାନେ ୨ଦିନିଆ ଏକ ଶିକ୍ଷା ଯାତ୍ରାରେ ଭାଇଜାଗ୍ (ଭିଶାଖାପଟ୍ଟନମ) ଯାଇଥିଲେ । ଏହି ଯାତ୍ରାର ଉଦ୍ଦେଶ୍ୟ ହେଉଛି ଛାତ୍ରଛାତ୍ରୀମାନଙ୍କୁ ବିଭିନ୍ନ ସ୍ଥାନ ଓ ସଂସ୍କୃତି ସହିତ ପରିଚିତ କରାଇବା ଓ ସେମାନଙ୍କର ଶିକ୍ଷାରେ ନୂତନ ଅନୁଭବ ସୃଷ୍ଟି କରିବା ସହିତ ପ୍ରାକୃତିକ ଦୃଶ୍ୟ ବା ସୁନ୍ଦର୍ଯ୍ୟତାକୁ ଉପଭୋଗ କରିବା । ଯାତ୍ରାରେ ଛାତ୍ରଛାତ୍ରୀମାନେ ଭାଇଜାକ୍ର ଅନେକ ପର୍ଯ୍ୟଟନ ସ୍ଥଳ ଦର୍ଶନ କରିଥିଲେ । ଯେଉଁଥିରେ କୈଳାସଗିରି, ସିମାଞ୍ଚଳମ୍, ଆରକୁ ଭ୍ୟାଲି, ବିମାନ ସଂଗ୍ରହାଳୟ, ମେରାଇନ୍ ଡ୍ରାଇଭ୍ ଆଦି ସ୍ଥାନ ଗୁଡିକ ଅନ୍ତର୍ଭୁକ୍ତ ଥିଲା । ଏହି ସ୍ଥାନ ଗୁଡ଼ିକର ସୌନ୍ଦର୍ଯ୍ୟ ଓ ସଂସ୍କୃତିର ମହତ୍ତ୍ଵ ଛାତ୍ରଛାତ୍ରୀମାନଙ୍କୁ ଆକର୍ଷିତ କରିଥିଲା । ସମ୍ପୂର୍ଣ୍ଣ ଯାତ୍ରାରେ କଲେଜର ଚେୟରମ୍ୟାନ୍ ସିଏ ଶ୍ରୀକାନ୍ତ ଶର୍ମା ପୁଣି କଲେଜର ସମ୍ପାଦିକ ଶ୍ରୀମତୀ ସୁମନ ଶର୍ମା, ଏ.ଓ ଶୈଲେଶ ପାଲ ଏବଂ ଶିକ୍ଷକ ନିରୋଜ ମିଶ୍ର, ସଦାଶିବ ସାହୁ, ସୌମ୍ୟ ଭୋଇ, ସୌରଭ ବଢେଇ, ମଧୁ ଏବଂ ପଦ୍ମା ମାମ୍ ରହି ପିଲାମାନଙ୍କୁ ମାର୍ଗ ଦର୍ଶନ ଓ ଉଦ୍ଦ୍ସାହିତ କରିବା ସହିତ ଛାତ୍ରଛାତ୍ରୀମାନଙ୍କର ଜ୍ଞାନ ଓ ଅନୁଭବକୁ ବୃଦ୍ଧି କରିବାରେ ସାହାଯ୍ୟ କରିଥିଲେ । ଏହା ସେମାନଙ୍କର ଶିକ୍ଷାରେ ଗୁରୁତ୍ଵପୂର୍ଣ୍ଣ ଭୂମିକା ଗ୍ରହଣ କରିଛି । ଛାତ୍ରଛାତ୍ରୀ ବିଭିନ୍ନ ମନୋରମ ସ୍ଥାନ ଅନୁସନ୍ଧାନ କରିଥିଲେ ଓ ଭାଇଜାଗର ସମୁଦ୍ର ଦୃଶ୍ୟ ଓ ସଂସ୍କୃତିରେ ନିଜକୁ ବୁଡ଼ାଇ ଦେଇଥିଲେ ଏବଂ ଅଗଣିତ ସ୍ମରଣୀୟ ସ୍ମୃତି ସୃଷ୍ଟି କରିଥିଲେ । ଏହି ଉଲ୍ଲେଖନୀୟ ଯାତ୍ରା ଏକ ଆନନ୍ଦ ଦାୟକ ହେବା ସହିତ ଶିକ୍ଷଣ ଏବଂ ପ୍ରେରଣାରେ ପରିପୂର୍ଣ୍ଣ ଥିଲା, ଯାହାକି ସମସ୍ତଙ୍କ ଉପରେ ଏକ ଅନନ୍ତ ଛାପ ଛାଡିଥିଲା ।
