ବଲାଙ୍ଗିର, (ଦେବାଶିଷ ମିଶ୍ର) : ସଦର ବ୍ଲକ ଅନ୍ତର୍ଗତ କୁଟୁମଡୋଲା ସ୍ଥିତ ଅମର ଜ୍ୟୋତି ମହାବିଦ୍ୟାଳୟରେ ଯୋଗ ଶିବିର ଅନୁଷ୍ଠିତ ହୋଇଯାଇଛି । ମହାବିଦ୍ୟାଳୟର ଅଧ୍ୟକ୍ଷ ସଂଜୟ କୁମାର ସିଂ ଏହି ଯୋଗ ଶିବିରକୁ ଉଦ୍ଘାଟିତ କରିଥିବା ବେଳେ ସମ୍ମାନିତ ଅତିଥି ସଂସ୍କୃତ ଅଧ୍ୟାପକ ସୁରେଶ ଚନ୍ଦ୍ର ଷଡଙ୍ଗୀ ସଂଯୋଜନା କରି ଯୋଗର ମହତ୍ୱ ବିଷୟରେ ପୁଙ୍ଖାନୁପୁଙ୍ଖ ଆଲୋଚନା କରିଥିଲେ । ମୁଖ୍ୟ ଅତିଥି ବିଚିତ୍ରାନନ୍ଦ ସାହୁ ଗାୟତ୍ରୀ ମନ୍ତ୍ରର ମହାନତା ବିଷୟରେ ଛାତ୍ର ଛାତ୍ରୀଙ୍କୁ ଅବଗତ କରାଇଥିଲେ । ଏହି ଯୋଗ ଶିବିରରକୁ ହରିଦ୍ୱାରର ଶାନ୍ତିକୁଞ୍ଜ ଆନ୍ତର୍ଜାତୀୟ ଯୋଗ ବିଶ୍ୱ ବିଦ୍ୟାଳୟର ଛାତ୍ର ଶରଂଶ ରାଣା, ଅନୁଭୁତି କୁମାର ଓ ଅଭିନାଶ ମୌର୍ଯ୍ୟ ଯୋଗ ପ୍ରଶିକ୍ଷକ ଭାବେ ଯୋଗଦାନ କରି ଜୀବନଚର୍ଯ୍ୟା ତଥା ଯୋଗ ପ୍ରଶିକ୍ଷଣ କାର୍ଯ୍ୟକୁ ତ୍ୱରାନ୍ୱିତ କରିଥିଲେ । ଶେଷରେ ଅର୍ଥନୀତି ଅଧ୍ୟାପକ ରାମଦାଶ ଶତପଥି ଧନ୍ୟବାଦ ଦେଇ ଛାତ୍ରଛାତ୍ରୀମାନଙ୍କୁ ଉତ୍ସାହିତ କରିଥିଲେ ।