ଆଗଲପୁର, (କେପିଏନ୍ଏସ୍) : ପଞ୍ଚାୟତ ସମିତି ମହାବିଦ୍ୟାଳୟ, ବାଣୀନିକେତନ ରୋତରେ ୪୨ତମ ବାର୍ଷିକ କ୍ରୀଡ଼ା ଉତ୍ସବ ଉଦ୍ଘାଟିତ ହୋଇଯାଇଛି । ପ୍ରାରମ୍ଭରେ ସ୍ଥାନୀୟ ଜଗନ୍ନାଥ ମନ୍ଦିରରୁ ପୂଜାର୍ଚ୍ଚନା ପୂର୍ବକ ଅଧ୍ୟାପକ ଦୈତାରୀ ଶବରଙ୍କ ତତ୍ତ୍ୱାବଧାନରେ ଛାତ୍ର ପିତାମ୍ବର ସାହୁ, ନିଲେଶ ମହାକୁଡ, ସତ୍ୟବାନ ମହାନନ୍ଦ, କରୁଣା ସାହୁ, ଆଲୋକ ସାହୁ, ଚୂଡାମଣି ମୁଦୁଲି ପ୍ରମୁଖ ମଶାଲ ଧରି କଲେଜ ପଡିଆକୁ ଆସିଥିଲେ । ମହାବିଦ୍ୟାଳୟର ଅଧ୍ୟକ୍ଷ ପ୍ରଦୀପ କୁମାର ଷଡଙ୍ଗୀ ଏହି ମଶାଲକୁ ପଡିଆରେ ସ୍ଥାପନ ପୂର୍ବକ ଆନୁଷ୍ଠାନିକ ଭାବେ କ୍ରୀଡାର ଉଦ୍ଘାଟନ କରିଥିଲେ । କ୍ରୀଡା ସଂସଦର କାର୍ଯ୍ୟକ୍ରମ ଅଧିକାରୀ ଆର୍ଯୋନ୍ଦୁ କୁମାର ମେହେରଙ୍କ ତତ୍ତ୍ୱାବଧାନ ତଥା ମହାବିଦ୍ୟାଳୟର ସମସ୍ତ ଅଧ୍ୟାପକ, ଅଧ୍ୟାପିକା ଓ କର୍ମଚାରୀଙ୍କ ସହଯୋଗରେ ଶହେ, ଦୁଇଶହ ଓ ଚାରିଶହ ମିଟର ଦୌଡ ସହ ଲମ୍ବଡିଆ, ଡିସକସ ଆଦି ଇଭେଣ୍ଟ ଉଭୟ ଯୁକ୍ତ ଦୁଇ ଓ ତିନି ଶ୍ରେଣୀର ଅନୁଷ୍ଠିତ ହୋଇଯାଇଛି । ଏହା ତିନିଦିନ ଧରି ଅନୁଷ୍ଠିତ ହେବାକୁ ଥିବାବେଳେ ଗୁରୁବାର ଦିନ ଏହା ଉଦ୍ଯାପିତ ହେବ ବୋଲି ସୂଚନା ଦିଆଯାଇଛି ।