ତୁରେକେଲା, (ପିତାମ୍ବର ଦୀପ) : କଣ୍ଟାବାଞ୍ଜି ସ୍ଥିତ ପ୍ରଜାପିତା ବ୍ରହ୍ମା କୁମାରୀ ଈଶ୍ୱରୀୟ ବିଶ୍ୱ ବିଦ୍ୟାଳୟ ଆନୁକୂଲ୍ୟରେ ଗତ ନଭେମ୍ବର ୨୦ରୁ କଣ୍ଟାବାଞ୍ଜି ଅଞ୍ଚଳର ଆଖପାଖରେ ଥିବା ସରକାରୀ ବେସରକାରୀ ଶିକ୍ଷା ଅନୁଷ୍ଠାନମାନଙ୍କରେ ଛାତ୍ରଛାତ୍ରୀମାନଙ୍କୁ ମୋବାଇଲ ବ୍ୟବହାର ଉପରେ ସଚେତନ କାର୍ଯ୍ୟକ୍ରମ କରିଛନ୍ତି , ଆଧୁନିକ ଯୁବ ପିଢ଼ି, ଛାତ୍ରଛାତ୍ରୀମାନେ ପ୍ରାୟ ସମୟରେ ସବୁ ବେଳେ ମୋବାଇଲରେ ବ୍ୟସ୍ତ ଥିବା ବେଳେ ପାଠରେ ମନଧ୍ୟାନ ଦେଉ ନଥିବା ଦେଖିବାକୁ ମିଳିଛି । ତେବେ ମୋବାଇଲ ଅପେକ୍ଷା ବହି ପତ୍ର ମାଧ୍ୟମରେ ପାଠ ପଢ଼ିବାର ଅଭ୍ୟାସ ଜାରି ରହିବାକୁ ସଚେତନ କାରାଯାଇଛି । କଣ୍ଟାବାଞ୍ଜି ଲାୟନ ପବ୍ଲିକ ସ୍କୁଲ, ସରାକାରୀ ବାଳକ,ବାଳିକା ବିଦ୍ୟାଳୟ, ତୁରେକେଲା କଲେଜ, ପ୍ରମୁଖ ଶିକ୍ଷା ଅନୁଷ୍ଠାନକୁ ଯାଇ ଛାତ୍ରଛାତ୍ରୀମାନଙ୍କୁ ସଚେତନ କରିଥିଲେ । ଏହି ଅବସରରେ ପ୍ରଜାପିତା ବ୍ରହ୍ମାକୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟର ବିକେ, ହିମାଂଶୁ ଭାଇ, ବିକେ କନକ ଭଉଣୀ, ବିକେ ରାମ ସାହୁ, ବିକେ ଗଣପତି ଭାଇ, ବିକେ ଯୁଧିଷ୍ଠିର ଭାଇ ସହ ଅନ୍ୟାନ୍ୟ ଭାଇ ଭଉଣୀ ଉପସ୍ଥିତ ଥିଲେ ।