ଗଞ୍ଜାମ, (ପ୍ରଦୀପ କୁମାର ପଣ୍ଡା) : ଗଞ୍ଜାମ ଥାନା ଅନ୍ତର୍ଗତ ଅଗସ୍ତି ନୂଆଁଗାଁ ଛକଠାରେ ଠିଆ ହୋଇଥିବା ଏକ ଟ୍ରକ (ଏପି ୩୯ଭିଏଫ୍ ୩୩୩୫)ରେ ଏକ ବାଇକ (ଓଡ଼ି୦୭୯ଏଜି୩୦୨୯) ପିଟି ହେବାରୁ ଜଣେ ମୃତ୍ୟୁ ବରଣ କରିଥିବା ବେଳେ, ଅନ୍ୟ ଜଣେ ଗୁରୁତର ଆହତ ହୋଇଛନ୍ତି । ମୃତକ ଜଣକ ରଞ୍ଜନ ଗୌଡ଼ ଓ ଗୁରୁତର ଆହତ ଜଣକ ଦଣ୍ଡୁ ପଲେଇ ବୋଲି ଜଣାପଡ଼ିଛି । ଉଭୟଙ୍କ ଘର ରମ୍ଭା ସହରର ପାଟଣା ଗୌଡ଼ ସାହି ବୋଲି ଖବର ମିଳିଛି । ଉଭୟ ସେଣ୍ଟ୍ରିଂ ମିସ୍ତ୍ରୀ ଅଟନ୍ତି । ଖବର ପାଇ ଗଞ୍ଜାମ ଥାନା ପୋଲିସ ପହଞ୍ଚି ମୃତକଙ୍କ ଶବ ଜବତ କରି ଶବ ବ୍ୟବଚ୍ଛେଦ ପାଇଁ ପଠାଇବା ସହ ଆହତଙ୍କୁ ଚିକିତ୍ସା ପାଇଁ ବ୍ରହ୍ମପୁର ମେଡିକାଲ ପଠାଇଥିଲେ । ସୂଚନା ଗତ ଯେ, ଉଭୟ ସେଣ୍ଟ୍ରିଂ ମିସ୍ତ୍ରୀ ଥିବା ବେଳେ ବ୍ରହ୍ମପୁର କାମ କରିବା ପାଇଁ ଯାଉଥିବା ବେଳେ ଏହି ଅଘଟଣ ହୋଇଥିଲା ।