ରାଉରକେଲା, (ସସ୍ମିତା ପ୍ରଧାନ) : ରୋଟାରୀ କ୍ଲବ ଅଫ୍ ରାଉରକେଲା ଭାଇବ୍ରାଣ୍ଟ ତରଫରୁ ସେକ୍ଟର ୧୬ ସ୍ଥିତ ଶ୍ରଦ୍ଧାଠାରେ ଅନ୍ତେବାସୀଙ୍କ ପାଇଁ ଖୁସି ବାଣ୍ଟିବା ସହ ବିସ୍କୁଟ, ଚକୋଲେଟ ଓ ମଧ୍ୟାହ୍ନ ଭୋଜନର ବ୍ୟବସ୍ଥା କରାଯାଇଥିଲା । ରୋଟାରୀଆନ ଉର୍ବି ମଣ୍ଡଳଙ୍କ ଉଦ୍ୟମ ଓ ଆଗ୍ରହ କ୍ରମେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ରୋଟାରୀ କ୍ଲବ ଅଫ୍ ରାଉରକେଲା ଭାଇବ୍ରାଣ୍ଟର ସଭାପତି ରୋଟାରୀଆନ ପ୍ରଶାନ୍ତ ରଞ୍ଜନ ପାତ୍ର, ସାଧାରଣ ସମ୍ପାଦକ ବସନ୍ତ କୁମାର ତନ୍ତୀ ପ୍ରଫେସର ଡ଼ଃ କ୍ରିଷ୍ଣା ପରମାଣିକ, ଡ଼ଃ ସଞ୍ଜୁକ୍ତା ପତି, କାର୍ଯ୍ୟକ୍ରମର ଅଧ୍ୟକ୍ଷ ରୋଟାରିଆନ ଅର୍ଚ୍ଚନା ଦେବତା, ଗଣେଶ୍ୱର ପଟ୍ଟନାୟକ, ଅନିତା ନାୟକ, ବିଜୟଲକ୍ଷ୍ମୀ ତ୍ରିପାଠୀ, ପ୍ରସୁନ ମଣ୍ଡଳ, ସାୟାନ୍ତନ ଘୋଷ, ଅଫସନ ମୁଘଲ ପ୍ରମୁଖ ଏହି କାର୍ଯ୍ୟକ୍ରମରେ ଉପସ୍ଥିତ ରହି ଅନ୍ତେବାସୀଙ୍କୁ ଉତ୍ସାହିତ କରିବା ସହ ତାଙ୍କ ସହ ଭାବ ବିନିମୟ କରିଥିଲେ । ପ୍ରାରମ୍ଭରେ ସଭାପତି ରୋଟାରିଆନ ପାତ୍ର କାର୍ଯ୍ୟକ୍ରମର ଆଭିମୁଖ୍ୟ ସମ୍ପର୍କରେ ଓ ଉପସ୍ଥିତ ରୋଟାରୀଆନମାନେ ଅନ୍ତେବାସୀଙ୍କୁ ଆଶ୍ରିବଚନ ପରେ ଶେଷରେ ସମ୍ପାଦକ ରୋଟାରୀଆନ ତନ୍ତୀ ଧନ୍ୟବାଦ ଅର୍ପଣ କରିଥିଲେ । ଏହି ଅବସରରେ ଅନ୍ତେବାସୀମାନେ ସଂଗୀତ ଓ ନୃତ୍ୟ ପରିବେଷଣ କରିଥିଲେ । ସେହିପରି ଶ୍ରଦ୍ଧା ଅନୁଷ୍ଠାନର ସୁଜାତା ରାଉତ, ପ୍ରିତୀ ବାରିକ, ଅଞ୍ଜଳି ମହାରଣା, ଧୀରେନ୍ଦ୍ର ଓଝା ଓ ଅର୍ଚ୍ଚନା ମିଞ୍ଜ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।