ବ୍ରହ୍ମପୁର ବିଶ୍ୱ ବିଦ୍ୟାଳୟର ଅର୍ଥନୀତି ବିଭାଗ ପକ୍ଷରୁ ଦକ୍ଷତା ବିକାଶ ଏବଂ ଉଦ୍ୟୋଗ ଉପରେ କ୍ୟାରିୟର ପରାମର୍ଶ କର୍ମଶାଳା ଆୟୋଜିତ
ବ୍ରହ୍ମପୁର, (କେ. ସତ୍ୟନାରାୟଣ ରେଡ୍ଡୀ) : ବ୍ରହ୍ମପୁର ବିଶ୍ୱ ବିଦ୍ୟାଳୟର ଅର୍ଥନୀତି ବିଭାଗ ଦ୍ୱାରା ବିଭାଗର ଛାତ୍ରମାନଙ୍କ ପାଇଁ ଦକ୍ଷତା ବିକାଶ ଏବଂ ଉଦ୍ୟୋଗ ଉପରେ ଏକ କ୍ୟାରିୟର କାଉନସେଲିଂ କର୍ମଶାଳା ଆୟୋଜିତ ହୋଇଯାଇଛି । ନ୍ୟୁରୋଏଣ୍ଟେଗ୍ରାଲ୍ ସାଇଣ୍ଟିଫିକ୍ ଇନଷ୍ଟିଚ୍ୟୁଟ୍ ଅଫ୍ କଲମ୍ବିଆର ଅନୁସନ୍ଧାନ ନିର୍ଦ୍ଦେଶକ ପ୍ରଫେସର ଜ୍ୟୋତିର୍ମୟ ଶତପଥି ଏବଂ ସଫ୍ଟ ସ୍କିଲ୍ ପ୍ରଶିକ୍ଷକ କାଳୀ ପ୍ରସାଦ ରବିଙ୍କୁ ବିଭିନ୍ନ କ୍ୟାରିୟର ପରାମର୍ଶ ଆଲୋଚନା ପାଇଁ ନିମନ୍ତ୍ରଣ କରାଯାଇଥିଲା । ପ୍ରଥମ ଏବଂ ଦ୍ୱିତୀୟ ବୈଷୟିକ ଅଧିବେଶନରେ ମଧୁସୂଦନ ଦାସ ଆଞ୍ଚଳିକ ଆର୍ଥିକ ପରିଚାଳନା ଏକାଡେମୀ (ଏମ୍ଡିଆର୍ଏଏଫ୍ଏମ୍), ରାଜ୍ୟ ସିଭିଲ ସର୍ଭିସ ଟ୍ରେନିଂ ସେଣ୍ଟର, ଭୁବନେଶ୍ୱରର ଯୁଗ୍ମ ନିର୍ଦ୍ଦେଶକ ଡକ୍ଟର ବିଭୁଦତ୍ତା ଆଚାରି, ଓଏଫ୍ଏସ୍-ଆଇ (ଏସ୍ଜି), ପ୍ରଶିକ୍ଷଣ ପ୍ରଦାନ କରିଥିଲେ । ତାଙ୍କର ପ୍ରଥମ ଅଧିବେଶନରେ ସେ ଅର୍ଥନୀତିରେ କ୍ୟାରିୟରର ସୁଯୋଗ ବିଷୟରେ ଆଲୋଚନା କରିଥିଲେ ଏବଂ ଅନ୍ୟାନ୍ୟ ପ୍ରଶାସନିକ ସେବା ନିମନ୍ତେ ପ୍ରସ୍ତୁତି ଉପରେ ବିଶେଷ ଗୁରୁତ୍ୱ ଦେଇଥିଲେ । ତାଙ୍କର ଦ୍ୱିତୀୟ ଅଧିବେଶନରେ ସେ ଦକ୍ଷତା ବିକାଶ, ଉଦ୍ୟୋଗୀତା ଏବଂ ଅର୍ଥନୀତି ଛାତ୍ର ଏବଂ ଅନୁସନ୍ଧାନକାରୀଙ୍କ ପାଇଁ ଉପଲବ୍ଧ ଷ୍ଟାର୍ଟ ଅପ୍ ସୁଯୋଗ ବିଷୟରେ ଆଲୋଚନା କରିଥିଲେ । ଅପରାହ୍ନ ଅଧିବେଶନରେ କଲମ୍ବିଆର ବୋଗୋଟା, ନ୍ୟୁରୋଏଣ୍ଟେଗ୍ରାଲ୍ ସାଇଣ୍ଟିଫିକ୍ ଇନଷ୍ଟିଚ୍ୟୁଟ୍ ଅଫ୍ କଲମ୍ବିଆର ଅନୁସନ୍ଧାନ ନିର୍ଦ୍ଦେଶକ ପ୍ରଫେସର ଜ୍ୟୋତିର୍ମୟ ଶତପଥି ‘ଉଦ୍ୟୋଗୀ ତରଙ୍ଗ’ ଏବଂ ‘ଦକ୍ଷତା ବିକାଶ: ଏକ ସମସାମୟିକ ଦୃଷ୍ଟିକୋଣ’ ଉପରେ ବିସ୍ତୃତ ଭାବରେ ଆଲୋଚନା କରିଥିଲେ । ସମସ୍ତ ଅଧିବେଶନ ଛାତ୍ରମାନଙ୍କ ପାଇଁ ଅତ୍ୟନ୍ତ ସୂଚନାପୂର୍ଣ୍ଣ ଏବଂ ଉପଯୋଗୀ ଥିଲା । କାର୍ଯ୍ୟକ୍ରମ ଶେଷରେ ଛାତ୍ରଛାତ୍ରୀମାନେ ସେମାନଙ୍କର ମତାମତ ପ୍ରଦାନ କରିଥିଲେ ଏବଂ କାର୍ଯ୍ୟକ୍ରମର ପୃଷ୍ଠପୋଷକ ସମ୍ମାନିତ କୁଳପତି ପ୍ରଫେସର ଗୀତାଞ୍ଜଳି ଦାଶ, ବିଶ୍ୱବିଦ୍ୟାଳୟର ପି.ଜି.ସିର ଅଧ୍ୟକ୍ଷ ପ୍ରଫେସର ସୁକାନ୍ତ କୁମାର ତ୍ରିପାଠୀ, ଆଇକ୍ୟୁଏସି ନିର୍ଦ୍ଦେଶକ ପ୍ରଫେସର ସୁଧାକର ପାତ୍ର, ଏବଂ ଅର୍ଥନୀତି ବିଭାଗର ମୁଖ୍ୟ ପ୍ରଫେସର ମୃତ୍ୟୁଞ୍ଜୟ ସ୍ୱାଇଁଙ୍କୁ ଧନ୍ୟବାଦ ଅର୍ପଣ କରିଥିଲେ । ପ୍ରଫେସର ସ୍ୱାଇଁ କାର୍ଯ୍ୟକ୍ରମର ସମସ୍ତ ଅଧିବେଶନକୁ ସଂଯୋଜନା କରିଥିଲେ । ଅର୍ଥନୀତି ବିଭାଗର ଛାତ୍ରଛାତ୍ରୀ ମାନେ ଏହି କାର୍ଯ୍ୟକ୍ରମ ପରିଚାଳନାରେ ବହୁତ ସାହାଯ୍ୟ କରିଥିଲେ ।