ଦେଓଗାଁ, (ମନୀଷ କୁମାର ସାହୁ) : ଦେଓଗାଁ ବ୍ଲକ ଗୁଡ଼ଖାପଲାରେ ୧୧ତାରିଖରୁ ଆରମ୍ଭ ହୋଇଥିବା ୪ର୍ଥ ଟାଇଗର କ୍ରିକେଟ କ୍ଳବ୍ ପକ୍ଷରୁ କ୍ରିକେଟ ପ୍ରତିଯୋଗିତା ଶୁକ୍ରବାର ଦିନ ଉଦଯାପିତ ହୋଇଯାଇଛି । ଫାଇନାଲ ମ୍ୟାଚ୍ ରେକଡୋଲ ଓ ସମରା ଦଳ ମଧ୍ୟରେ ହୋଇଥିବା ପ୍ରତିଯୋଗିତାର ଫାଇନାଲ ଖେଳରେ ରେକଡୋଲ୍ ଦଳ ପ୍ରଥମେ ବ୍ୟାଟିଂ କରି ୮ଓଭରରେ ୪୧ ରନ୍ କରିଥିବା ବେଳେ ଜବାବରେ ସମାରା ଦଳ ୭.୩ଓଭରରେ ସମସ୍ତ ୱିକେଟ ହରାଇ ମାତ୍ର ୩୦ରନ୍ କରି ପରାଜିତ ହୋଇଥିଲା । ଆଶିଷ ବାଗ, ଘନଶ୍ୟାମ ବାଗ, ସରୋଜ, ପ୍ରଭାତ ପୂର୍ମୁଖ ମ୍ୟାଚ୍ ପରିଚାଳନା କରିଥିଲେ । ଏହି ଅବସରରେ ଅତିଥିଭାବେ ବିଶ୍ୱଜିତ୍ ପାତ୍ର, ମହେନ୍ଦ୍ର ଦାସ, ପାଲେଶ୍ୱର ବାଗ, ତ୍ରିନାଥ ବେହେରା, ଅର୍ଜୁନ ସାହୁ, ସୁବାସ ହେର୍ଣା, ବିଜୟ କାଳସାଏ ପ୍ରମୁଖ ଯୋଗ ଦେଇଥିଲେ ।