- ଗଞ୍ଜାମ ଜିଲ୍ଲାର ବହୁ କୋଟିପତି ତଥା ବ୍ରହ୍ମପୁରର କିଛି ଠିକାଦାର, ବିଲଡର ପୋଲିସ ହାତରେ ବନ୍ଧା ହେଲେ
ବ୍ରହ୍ମପୁର, (କେ. ସତ୍ୟନାରାୟଣ ରେଡ୍ଡୀ) : ବ୍ରହ୍ମପୁର ପୋଲିସ ଜିଲ୍ଲା ଅନ୍ତର୍ଗତ ପାଟପୁର ଥାନା ପୁଲିସ ଗତକାଲି ବିଳମ୍ବିତ ରାତିରେ ତପ୍ତପାଣି ଗେଷ୍ଟ ହାଉସରେ ଚଢ଼ାଉ କରିଛି । ବହୁ ଦିନର ଏକ ଜୁଆ ଆଡ୍ଡା ଉପରେ ପୋଲିସ ଚଢ଼ାଉ କରିଛି । ଯାହାକି, ଏକ ବଡ ଧରଣର ଜୁଆ ଖେଳ ଚାଲିଥିବା ସୂଚନା ପାଇ ପୋଲିସ ଚଢ଼ାଉ କରିଥିଲା । ସେଠାରେ ବହୁ ନାମୀଦାମୀ ଗାଡ଼ି ଲାଗିଥିବା ବେଳେ ଗଞ୍ଜାମ ଜିଲ୍ଲାର ବହୁ କୋଟିପତି ଥିଲେ । ବ୍ରହ୍ମପୁରର କିଛି ଠିକାଦାର ଓ ବିଲଡର ବି ପୋଲିସ ହାତରେ ଧରାପଡ଼ିଥିବା ଜଣାପଡିଛି । କୋଟିପତିଙ୍କ ଜୁଆ ଆଡ୍ଡା ଜମାଇ ଥିବା ଖେଳରୁ କେତେ ଟଙ୍କା ଜବତ ହେଲା, ଖୁବଶୀଘ୍ର ତଥ୍ୟ ପ୍ରଦାନ କରିବେ ବୋଲି ବ୍ରହ୍ମପୁର ପୋଲିସ କହିଛନ୍ତି ।