ପଦ୍ମପୁର, (ନିରୋଜ କୁମାର ପାଣୀ) : ସ୍ଥାନୀୟ ଉଦୟନାଥ ଭବନ ଠାରେ ପଦ୍ମପୁର ସାମ୍ବାଦିକ ସଂଘର ଏକ ବୈଠକ ବରିଷ୍ଠ ସାମ୍ବାଦିକ ଲାଲ ବିହାରି ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଉକ୍ତ ବୈଠକରେ ସଂଘର କାର୍ଯ୍ୟକାରିଣୀ କମିଟିରେ ସର୍ବ ସମ୍ମତି କ୍ରମେ କିରଟି ସାହୁ ସଭାପତି, ଡିଲେଶ୍ଵର ବାଗ ସମ୍ପାଦକ, ସୁଦାମ ପଧାନ କୋଷାଧକ୍ଷ, ନୀଳକଣ୍ଠ ଦୀପ ଉପସଭାପତି, ଶିବାଶିଷ ପଟ୍ଟନାୟକ ସହ ସମ୍ପାଦକ ଭାବରେ ମନୋନୀତ ହୋଇଥିଲେ । ଉପଦେଷ୍ଟା ମଣ୍ଡଳୀରେ ବରିଷ୍ଠ ସାମ୍ବାଦିକ ଲାଲ ବିହାରୀ ମିଶ୍ର, ରତ୍ନମଣି ଶତପଥୀ ଓ ପ୍ରଦୀପ୍ତ କିଶୋର ଦାଶ ଚୟନ ହୋଇ ଥିବାବେଳେ କାର୍ଯ୍ୟକାରୀ ସଦସ୍ୟ ଭାବରେ ଅଶ୍ଵିନୀ ଧରୁଆ, ନିରୋଜ ଦୋରା, ବିଷ୍ଣୁ ପ୍ରସାଦ ବାଜପେୟୀ, ବିନୟ ଶର୍ମା, ମକରଧ୍ଵଜ ବଗାର, ଦେବାଶିଷ ପଟ୍ଟନାୟକ ପ୍ରମୁଖ ସର୍ବସମ୍ମତି କ୍ରମେ ଚୟନ ହୋଇଥିଲେ । ଶେଷରେ ଉପ ସଭାପତି ନୀଳକଣ୍ଠ ଦୀପ ଧନ୍ୟବାଦ ଅର୍ପଣ କରିଥିଲେ ।