ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ରାଜବୋଡ଼ା ସମ୍ବର ଉଚ୍ଚ ବିଦ୍ୟାଳୟରେ ବ୍ଲକସ୍ତରୀୟ ବିଜ୍ଞାନ କୁଇଜ୍ ପ୍ରତିଯୋଗିତା ଆୟୋଜିତ ହୋଇଯାଇଛି । ବ୍ଲକ ଶିକ୍ଷାଅଧିକାରୀ ଲୋକନାଥ ଭୋଇଙ୍କ ଦ୍ଵାରା ଶ୍ରୀ ଗଣେଶ ଓ ମା’ ସରସ୍ଵତୀଙ୍କ ଠାରେ ଦୀପ ପ୍ରଜ୍ଜ୍ୱଳନ ପୂର୍ବକ ଏହି ପ୍ରତିଯୋଗିତା ଆରମ୍ଭ ହୋଇଥିଲା । ବରିଷ୍ଠ ବିଜ୍ଞାନ ଶିକ୍ଷକ ରାଜେଶ ଖମାରୀ ଓ ମାନସ ରଞ୍ଜନ ଶତପଥୀଙ୍କ ଦ୍ୱାରା କୁଇଜ୍ର ପ୍ରଶ୍ନାବଳୀ ପ୍ରସ୍ତୁତ କରାଯାଇଥିଲା ଓ ସୁଶ୍ରୀ ପ୍ରୀତିରଶ୍ମି ସେଠ୍ କାର୍ଯ୍ୟକ୍ରମର ସଂଯୋଜନା କରିଥିଲେ । ବ୍ଲକ ଶିକ୍ଷା ଅଧିକାରୀ ଶ୍ରୀ ଭୋଇଙ୍କ ସଭାପତିତ୍ୱରେ ଅନୁଷ୍ଠିତ ପୁରସ୍କାର ବିତରଣ ଉତ୍ସବରେ ଅଭିଳାଷ ସାହୁ, ପ୍ରମୋଦ ନାଥ, ରାଜେଶ ଖମାରୀ ଓ ମାନସ ରଞ୍ଜନ ଶତପଥୀ ମଞ୍ଚାସୀନ ଥିଲେ । ଜୁନିଅର ବିଭାଗରୁ ପ୍ରତୀକ ମହାନ୍ତି, ଶୁଭଶ୍ରୀ ସୁନା ଯଥାକ୍ରମେ ପ୍ରଥମ ଓ ଦ୍ଵିତୀୟ ହୋଇଥିବାବେଳେ ସିନିୟର୍ ବିଭାଗରୁ କୁମାରୀ ଗାୟତ୍ରୀ ରାଉତ ଓ କ୍ରିସ୍ ବେହେରା ପ୍ରଥମ ଓ ଦ୍ୱିତୀୟ ଭାବରେ ପୁରସ୍କୃତ ହୋଇଥିଲେ । ଏମାନେ ଆସନ୍ତାକାଲି ବରଗଡ଼ ବିଜ୍ଞାନ ସେଣ୍ଟରରେ ହେବାକୁଥିବା ଜିଲ୍ଲା ସ୍ତରୀୟ କୁଇଜ୍ ପ୍ରତିଯୋଗିତାରେ ଭାଗ ନେବେ । ସମସ୍ତ ଅତିଥିମାନେ କୃତି ପ୍ରତିଯୋଗୀଙ୍କୁ ଶୁଭେଚ୍ଛା ଜଣାଇବା ସହ ଅନ୍ୟ ପ୍ରତିଯୋଗୀ ମାନଙ୍କୁ ଆହୁରି ପରିଶ୍ରମ କରିବା ପାଇଁ ପରାମର୍ଶ ଦେଇଥିଲେ । ପରିଶେଷରେ ସୁଶ୍ରୀ ପ୍ରୀତି ରଶ୍ମି ସେଠ୍ ଧନ୍ୟବାଦ ଅର୍ପଣ କରିଥଲେ ।