ରାଉରକେଲା, (ସସ୍ମିତା ପ୍ରଧାନ) : ସେକ୍ଟର ୧୬ ଡିଏଭି ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଯଶବିନ୍ଦର କୌର ଏବଂ ବିଦ୍ୟାଳୟର କପ୍ ବୁଲ୍ବୁଲ୍ (ସ୍କାଉଟ୍ ଓ ଗାଇଡ୍) ବିଦ୍ୟାର୍ଥୀ, ଇଣ୍ଟରାକ୍ଟ କ୍ଲବର ବିଦ୍ୟାର୍ଥୀ ଶ୍ରଦ୍ଧା ଫାଉଣ୍ଡେସନକୁ ଯାଇ କାର୍ତ୍ତିକ ପୂର୍ଣ୍ଣିମାର ଗୁରୁତ୍ୱ ଜଣାଇବା ସହ ସେଠାକାର ଅନ୍ତେବାସୀଙ୍କୁ ଷ୍ଟେସନାରୀ ଦ୍ରବ୍ୟ ସହ କମ୍ବଳ ପ୍ରଦାନ କରିଥିଲେ । ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ କୌର ଆଗାମୀ ଦିନରେ ଏହିପରି ସହଯୋଗ ବଜାୟ ରଖିବାକୁ କହିଥିଲେ । ଏହି ଅବସରରେ ଶ୍ରଦ୍ଧାର ସମ୍ପାଦକ କାର୍ତ୍ତିକ ପାଣ୍ଡବ ଓ ସମସ୍ତ ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ଥିଲେ । ଶ୍ରଦ୍ଧା ଫାଉଣ୍ଡେସନର ଅନ୍ତେବାସୀ ସେକ୍ଟର ୧୬ ଡିଏଭି ବିଦ୍ୟାଳୟର ସହଯୋଗ ପ୍ରାପ୍ତି ନିମନ୍ତେ ଶ୍ରୀମତୀ କୌରଙ୍କ ସହ ସେକ୍ଟର ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀ, କର୍ମଚାରୀ ଓ ଇଣ୍ଟରାକ୍ଟ କ୍ଲବର ସଦସ୍ୟ ମାନଙ୍କୁ କୃତଜ୍ଞତା ଓ ଧନ୍ୟବାଦ ଅର୍ପଣ କରିଥିଲେ ।