ସଇଁତଲା, (ପ୍ରମୋଦ ସେଲମା) : ବଲାଙ୍ଗିର ଜିଲ୍ଲା ସଇଁତଲା ସ୍ଥିତ ରମେଶ ସିଂ ଭୋଇ ଷ୍ଟାଡିୟମ ପରିସରରେ ୪ତମ ଶ୍ରୀକାନ୍ତ ଭୋଇ କ୍ରିକେଟ ମେମୋରିଆଲ ଟୁର୍ଣ୍ଣାମେଣ୍ଟ ଉଦ୍ଘାଟିତ ହୋଇଯାଇଛି । ଏହାର ଉଦ୍ଘାଟନୀ ବଲାଙ୍ଗିର ସାନବି ଓ ଟିଟିଲାଗଡ଼ କ୍ରିଷ୍ଣା ମଧ୍ୟରେ ଅନୁଷ୍ଠିତ ହୋଇଥିଲା । ପ୍ରଥମେ ଟିଟିଲାଗଡ଼ ଟିମ୍ ଟସ୍ ଜିଣି ଫିଲ୍ଡିଙ୍ଗ୍ ନିଷ୍ପତ୍ତି ନେଇଥିଲେ । ଏଥିରେ ବଲାଙ୍ଗିର ଟିମ୍ ନିର୍ଦ୍ଧାରିତ ୮ ଓଭରରେ ୩ ୱିକେଟ ହରାଇ ୯୯ ରନ୍ ସଂଗ୍ରହ କରିଥିଲେ । ଜବାବରେ ଟିଟିଲାଗଡ଼ ଦଳ ୯ ୱିକେଟ ହରାଇ ୮୩ ରନ୍ କରି ପରାଜିତ ହୋଇଥିଲେ । ଉକ୍ତ ଖେଳକୁ ବିକ୍ରମ ସା ଓ ରକି ପ୍ରଧାନ ପରିଚାଳନା କରିଥିବା ବେଳେ ସ୍କୋରର ଶ୍ରୀରାମ ଅଗ୍ରୱାଲ ଓ ଆକାଶ ପାତ୍ର ଧାରା ବିବରଣୀ ପ୍ରଦାନ କରିଥିଲେ । ଏହାର ଉଦ୍ଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ପୂର୍ବତନ ମନ୍ତ୍ରୀ ସୁରେନ୍ଦ୍ର ସିଂ ଭୋଇ ଯୋଗଦାନ କରି ଟୁର୍ଣ୍ଣାମେଣ୍ଟକୁ ଆନୁଷ୍ଠାନିକ ଭାବେ ଉଦ୍ଘାଟନ କରିଥିଲେ । ଏଥିରେ ସମ୍ମାନିତ ଅତିଥି ଭାବେ ବ୍ଲକ ଉପାଧ୍ୟକ୍ଷ ଗୁଣସାଗର ମାଝୀ, ଓଜେୟୁ ଜିଲ୍ଲା ସାମ୍ବାଦିକ ସଂଘ ସଭାପତି ପ୍ରମୋଦ ସେଲମା ଓ ସମାଜସେବୀ ଭୀମସେନ ସ୍ୱାଇଁ ପ୍ରମୁଖ ଯୋଗଦାନ କରି ଉଭୟ ଖେଳାଳୀମାନଙ୍କୁ ଉତ୍ସାହିତ କରିଥିଲେ । ଏଥିରେ କମିଟିର ସଭାପତି ଚନ୍ଦ୍ର ଚନ୍ଦନ, ସମ୍ପାଦକ ଶିବ ପ୍ରସାଦ ମାଝୀ, ଉପ ସଭାପତି ଜ୍ଞାନ ରଞ୍ଜନ ମହାକୁର, ସହ ସମ୍ପାଦକ ବିକ୍ରମ ସା, କୋଷାଧକ୍ଷ ରାଜା ଭୋଇ, ରିଙ୍କୁ ଭୋଇ, ମହେନ୍ଦ୍ର ଭୋଇ, ଉମେଶ ସାହୁ, ରଞ୍ଜନ ଭୋଇ, ଅଚ୍ୟୁତ ସେଠ, ଟିଟୁ ଦଣ୍ଡସେନା, ସୁମିତ ଦଣ୍ଡସେନା, ଭୀମ ଦଣ୍ଡସେନା, ସରୋଜ ସାହୁ, ଅମୃତ ଦଣ୍ଡସେନା, ଡ଼ବ୍ଲୁ ସାହୁ, ଆଲିସ, କ୍ଷମା, ବିକାଶ ମହାଲିଙ୍ଗ, ଦିନବନ୍ଧୁ ପୃଷେଠ, ରକି ମିଶ୍ର, ଉମେଶ ଭୋଇ, ଅମିତ ସାହୁ, ଯତୀନ ଦାସ, ପବନ ଅଗ୍ରୱାଲଙ୍କ ସମେତ କମିଟିର ସଦସ୍ୟମାନେ ଉପସ୍ଥିତ ରହି ସହଯୋଗ କରିଥିଲେ ।