ଭୁବନେଶ୍ୱର, (କେ. ସତ୍ୟନାରାୟଣ ରେଡ୍ଡୀ) : ଭୁବନେଶ୍ୱର ସାଂସଦ ଅପରାଜିତା ଷଢଙ୍ଗୀ ଶୁକ୍ରବାର ବୋଲଗଡ ପଂଚାୟତରେ ପଦଯାତ୍ରା କରିଛନ୍ତି । ମ୍ୟାଡମ୍ ଅପରାଜିତା ଶୁକ୍ରବାର ଅପରାହ୍ନରେ ଘର ଘର ବୁଲି ଜନସାଧାରଣଙ୍କ ସୁଖଦୁଃଖ ପଚାରି ବୁଝିଛନ୍ତି । ଏହି ଅବସରରେ ବୋଲଗଡ ଘୋରଡ଼ିଆ ରାସ୍ତାର ଥାନା ନିକଟରେ ଏକ ବିଜେପି କାର୍ଯ୍ୟାଳୟକୁ ଉଦ୍ଘାଟନ କରିଛନ୍ତି । ବହୁ ସଂଖ୍ୟାରେ କର୍ମୀ ସାଂସଦଙ୍କୁ ସ୍ୱାଗତ କରୁଥିବା ଦେଖାଯାଇଛି । ଅନ୍ୟମାନଙ୍କ ମଧ୍ୟରେ ମଣ୍ଡଳ ସଭାପତି ରଘୁନାଥ ଷଢଙ୍ଗୀ, ରାଜ୍ୟ କୃଷକ ମୋର୍ଚ୍ଚା କୋଷାଧ୍ୟକ୍ଷ ବିଶ୍ୱଜିତ ସ୍ୱାଇଁ, ସାଂସଦ ପ୍ରତିନିଧି ପ୍ରକାଶ ବିଜୁଳି, ବୋଲଗଡ ସମ୍ପାଦକ ଆର୍ତ୍ତବନ୍ଧୁ ପ୍ରଧାନ ପ୍ରମୁଖ ବହୁ କର୍ମକର୍ତ୍ତା ସାମିଲ ଥିଲେ ।