ପଦ୍ମପୁର, (ନିରୋଜ କୁମାର ପାଣୀ) : ଆସନ୍ତା ୨୩ ଜାନୁଆରୀ ନେତାଜୀ ଜୟନ୍ତୀକୁ ଧୁମ୍ଧାମ୍ରେ ପାଳନ କରିବା ପାଇଁ ଦହିତା ନେତାଜୀ କ୍ଲବ୍ ନିଷ୍ପତ୍ତି ଗ୍ରହଣ କରିଛି । ଏନେଇ କ୍ଲବ୍ କାର୍ଯ୍ୟାଳୟଠାରେ ସଭାପତି ସରୋଜ ପାଣିଗ୍ରାହୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏକ ବୈଠକରେ ଜୟନ୍ତୀ ଦିନ ପୂର୍ବାହ୍ନ ୧୦ଟାରେ ନେତାଜୀଙ୍କ ଫଟୋ ଚିତ୍ରରେ ମାଲ୍ୟାର୍ପଣ, ୧୧ ଟାରୁ ଅପରାହ୍ନ ୨ଟା ପର୍ଯ୍ୟନ୍ତ ମାଗଣା ସ୍ୱାସ୍ଥ୍ୟ ଓ ଚକ୍ଷୁ ପରୀକ୍ଷା ଶିବିର, ଅପରାହ୍ନ ୫ଟାରୁ ସାଧାରଣ ସଭା ଏବଂ ସନ୍ଧ୍ୟା ୬ଟାରୁ ନୃତ୍ୟ ପ୍ରତିଯୋଗିତା ଅନୁଷ୍ଠିତ ହେବ । ଏହି ପ୍ରତିଯୋଗିତାରେ କୃତି ପ୍ରତିଯୋଗୀଙ୍କୁ ଆକର୍ଷଣୀୟ ପୁରସ୍କାର ବ୍ୟବସ୍ଥା ସାଙ୍ଗକୁ ଏହିଦିନ ହେବାକୁ ଥିବା ମାଗଣା ସ୍ୱାସ୍ଥ୍ୟ ଓ ଚକ୍ଷୁ ପରୀକ୍ଷା ଶିବିରରେ ବିକାଶ ହସ୍ପିଟାଲ ବରଗଡର ମେଡିସିନ, ଶିଶୁରୋଗ, ଦନ୍ତରୋଗ, ଫିଜିଓଥେରାପି ଏବଂ ଇଏନ୍ଟି ବିଶେଷଜ୍ଞଙ୍କ ଠାରୁ ମାଗଣା ପରାମର୍ଶ ଏବଂ ଔଷଧ ଗ୍ରହଣ କରିବାର ସୁଯୋଗ ନେବାକୁ ସମ୍ପାଦକ ଅନନ୍ତ ପାଣିଗ୍ରାହୀ ଜଣାଇଛନ୍ତି ।