ବରଗଡ : ଆଜି ଡି/୧୮୯ ବାଟାଲିୟନ ସିଆର୍ପିଏଫ୍, ପାଇକମାଲ୍ ଏବଂ ଇ/୧୮୯ ସିଆର୍ପିଏଫ୍ ପକ୍ଷରୁ ବରତୁଣ୍ଡା ଜିଲ୍ଲା ବରଗଡ଼ ବିକ୍ରମନଗର ସେବା ଆଶ୍ରମ ବିଦ୍ୟାଳୟ, ମନମଥପାଲି/ ବିକ୍ରମନଗର, ନୁଆପଡା-ପଦମପୁର ବିଜୁ ଏକ୍ସପ୍ରେସ-ୱେ ସମ୍ମୁଖରେ ଏକ “ସିଭିକ୍ ଆକ୍ସନ୍ ପ୍ରୋଗ୍ରାମ୍” ଆୟାଜିତ ହୋଇଯାଇଛି । ଏହି ଅବସରରେ ଏକ ମାଗଣା ସ୍ୱାସ୍ଥ୍ୟ ପରୀକ୍ଷା ଶିବିର ଆୟୋଜନ କରାଯାଇଥିଲା । ଏଥିରେ ସାଧାରଣ ଜନତାଙ୍କ ମାଗଣା ସ୍ୱାସ୍ଥ୍ୟ ପରୀକ୍ଷା କରାଯାଇଥିଲା । ପରୀକ୍ଷା ସହିତ ଅତ୍ୟାବଶ୍ୟକ ଔଷଧ ମଧ୍ୟ ବଣ୍ଟନ କରାଯାଇଥିଲା । ଶରତ ଋତୁକୁ ଦୃଷ୍ଟିରେ ରଖି ଅଭାବୀ ଲୋକଙ୍କୁ କମ୍ବଳ ବଣ୍ଟନ କରାଯାଇଥିଲା । ସିଭିକ୍ ଆକ୍ସନ୍ ପ୍ରୋଗ୍ରାମକୁ କମାଣ୍ଡାଣ୍ଟ – ୧୮୯ ବାଟାଲିଅନ୍ ଉଦ୍ଘାଟନ କରିଥିଲେ । ଏହି ଅବସରରେ ଅନେକ ଗଣ୍ୟମାନ୍ୟ ବ୍ୟକ୍ତିଙ୍କ ସହ ସିଆର୍ପିଏଫ୍ର ସମସ୍ତ ଅଧିକାରୀ, କର୍ମଚାରୀ ତଥା ଜବାନମାନେ ଉପସ୍ଥିତ ଥିଲେ ।