ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ସରସ୍ୱତୀ ଶିଶୁ ବିଦ୍ୟାମନ୍ଦିର ୩୯ତମ ବାର୍ଷିକ କ୍ରୀଡ଼ା ସମାରୋହ ସ୍ଥାନୀୟ ଆରବି ହାଇସ୍କୁଲ ପଡ଼ିଆରେ ଆଜି ଉଦ୍ଯାପିତ ହୋଇଯାଇଛି । ଆଲୋକ ପଟେଲ (ଉପ-ଜିଲ୍ଲାପାଳ, ପଦ୍ମପୁର) ମୁଖ୍ୟ ଅତିଥି ଭାବରେ ଯୋଗଦେଇ ପୁଷ୍ପାର୍ଚ୍ଚନା କରି ଗୋଟିଏ ଖେଳାଳୀକୁ ଭାଗ ନେବା ସବୁଠାରୁ ଅଧିକ ଖୁସିର ବିଷୟର ଏଣୁ ସମସ୍ତ ଖେଳରେ ଭାଗ ନେବା ପାଇଁ ଉପସ୍ଥିତ ଶିଶୁମାନଙ୍କୁ ଉତ୍ସାହିତ କରିଥିଲେ । ପରେ ଧ୍ୱଜା ଆବରୋହଣ ପୂର୍ବକ ୩୯ତମ ବାର୍ଷିକ କ୍ରୀଡ଼ା ସମାରୋହକୁ ଜ୍ୟୋତି ନିର୍ବାପନ କରି ଉଦ୍ଯାପିତ ଘୋଷଣା କରିଥିଲେ । ପ୍ରଧାନ ଆଚାର୍ଯ୍ୟ ଯୁବରାଜ ପଧାନ ଅତିଥି ପରିଚୟ ସହ ସ୍ୱାଗତ ଭାଷଣ ପ୍ରଦାନ କରିଥିଲେ । ସମ୍ମାନିତ ଅତିଥି ଭାବରେ ବିନାୟକ ମଶ୍ର ଉପଖଣ୍ଡ ଲୋକସମ୍ପର୍କ ଅଧିକାରୀ, ପୃଥିରାଜ ସାହୁ ସଭାପତି, ଦ୍ୱାଦଶ କୁମାର ପଧାନ ସଂକୁଳ ପ୍ରମୁଖ, ଜନକଲାଲ ମେହେର ସମ୍ପାଦକ, ରୋହିତ କୁମାର ମେହେର ସଦସ୍ୟ, ନିରୋଜ କୁମାର ଦୋରା ସମାଜସେବୀ ପ୍ରମୁଖ ମଞ୍ଚାସୀନ ଥିଲେ । ଶେଷରେ ସମ୍ପାଦକ ଜନକଲାଲ ମେହେର ଧନ୍ୟବାଦ ଅର୍ପଣ କରିଥିଲେ । ଚୈତନ୍ୟ ଭୋଇ କାର୍ଯ୍ୟକ୍ରମ ସଂଯୋଜନା କରିଥିବା ବେଳେ ଶାରୀରିକ ପ୍ରମୁଖ ପ୍ରଦୀପ ରାଜହଂସ ବୃତ୍ତ କଥନ କରିଥିଲେ । ଅକ୍ଷାଂଶ ବେହେରା ପ୍ରାଥମିକ ବର୍ଗରୁ, ପ୍ରତୀକ କୁମାର ବୁଡେକ ଶିଶୁ ବର୍ଗ ରୁଓ ଭେଙ୍କଟେଶ୍ୱର ଡ଼ନସନା କିଶୋର ବର୍ଗରୁ ସର୍ବଶ୍ରେଷ୍ଠ ଖେଳାଳୀ ଭାବରେ ପୁରସ୍କୃତ ହୋଇଥିଲେ ।ପରେପରେ ଶିଶୁମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ସମସ୍ତଙ୍କ ସହଯୋଗରେ କାର୍ଯ୍ୟକ୍ରମଟି ସଫଳ ହୋଇଥିଲା ।