ବଲାଙ୍ଗିର, (କେପିଏନ୍ଏସ୍) : ଆଗଲପୁର ବ୍ଲକ୍ ଅନ୍ତର୍ଗତ କୁଟାସିଂହା ଗ୍ରାମ ପଞ୍ଚାୟତ ଅନ୍ତର୍ଗତ ଡୁଙ୍ଗୁରିପାଲି ଗ୍ରାମର ପୋଖରୀ ରାସ୍ତା ଅତି ଖରାବ ହୋଇଯାଇଛି । ଏହି ରାସ୍ତାରେ ଗ୍ରାମର ସମସ୍ତ ଲୋକ ଗାଧୋଇବା ପାଇ ନିର୍ଭର କରିଥାଆନ୍ତି, ଏହି ରାସ୍ତା ଏତେ କଦର୍ଯ୍ୟ ହୋଇଛି ଯେ, ପୋଖରୀକୁ ଗାଧୋଇ ଯିବାକୁ ମଧ୍ୟ ସମସ୍ତଙ୍କୁ ଠିକ୍ ଲାଗୁନାହିଁ । ଏହି ରାସ୍ତା କାମ ପାଇଁ ଗ୍ରାମସଭାରେ ବାରମ୍ବାର ଅଭିଯୋଗ ହୋଇଛି ତଥାପି ଗ୍ରାମ ପଞ୍ଚାୟତ ଯୋଜନାରେ ସାମିଲ କରାଯାଉନାହିଁ ।ଏଠାରେ ସୂଚନା ଯୋଗ୍ୟ ଯେ, ପଞ୍ଚାୟତର ସବୁ କାମ କୁଟାସିଂହା ଗ୍ରାମରେ କରାଯାଉଛି । ପଞ୍ଚାୟତ ତଥା ବ୍ଲକ୍ କର୍ତ୍ତୃପକ୍ଷ ଶୀଘ୍ର ରାସ୍ତା ନିର୍ମାଣ କରିବାକୁ ଡୁଙ୍ଗୁରିପାଲି ଗ୍ରାମର ଜନସାଧାରଣଙ୍କ ତରଫରୁ ଦାବୀ ହେଉଛି ।