ଟିଟିଲାଗଡ, (ସଞ୍ଜୟ କୁମାର ନାୟକ) : ପ୍ରତି ବର୍ଷ ଭଳି ଚଳିତ ବର୍ଷ ମଧ୍ୟ ଟିଟିଲାଗଡର ଅଧିଷ୍ଠାତ୍ରୀ ଦେବୀ ମାଁ ଘଣ୍ଟାଶୁଣିଙ୍କ ମନ୍ଦିରରେ ସହରବାସୀଙ୍କ ମଙ୍ଗଳ କାମନା ପାଇଁ ଅଷ୍ଟମୀ ହୋମ ଅନୁଷ୍ଠିତ ହୋଇଯାଇଛି । ମନ୍ଦିରର ପୂଜକ ରାୟ ସିଂ ପାତ୍ରଙ୍କ ଅଧ୍ୟକ୍ଷତାରେ ପୂଜକ ସାର୍ଥକ ମିଶ୍ରଙ୍କ ମନ୍ତ୍ର ଉଚ୍ଚାରଣରେ କର୍ତ୍ତା ଭାବେ ଯୋଗେନ୍ଦ୍ର ସିଂ ପାତ୍ର ବସିଥିଲେ । ଏହି ହୋମଯଜ୍ଞରେ ସହରର ଅନ୍ୟାନ୍ୟ ଭକ୍ତ ମାନେ ମଧ୍ୟ ପୁଜାରେ ବସି ଯଜ୍ଞ କୁଣ୍ଡରେ ଚରୁ ଦେବାର ସୌଭାଗ୍ୟ ଅର୍ଜନ କରିଥିଲେ । ପୂଜାର୍ଚ୍ଚନା ସରିବା ପରେ ମା’ଙ୍କ ଆଳତି କରିଥିଲେ ।