ମାଟିଲଗ୍ନା ସାହିତ୍ୟ ସଂସଦ ମାଲକାନଗିରି ପକ୍ଷରୁ ରାଜ୍ୟସ୍ତରୀୟ ସାରସ୍ଵତ ସମାରୋହ ଓ ନୂଆଁଖାଇ ଭେଟ୍ଘାଟ୍ ଅନୁଷ୍ଠିତ
ବଲାଙ୍ଗିର, (କେପିଏନ୍ଏସ୍) : ଟାଉନ ବାଳିକା ବିଦ୍ୟାଳୟରେ ମାଟିଲଗ୍ନା ସାହିତ୍ୟ ସଂସଦ ମାଲକାନଗିରି ପକ୍ଷରୁ ରବିବାର ରାଜ୍ୟସ୍ତରୀୟ ସାରସ୍ଵତ ସମାରୋହ ଓ ନୂଆଁଖାଇ ଭେଟଘାଟ ଅନୁଷ୍ଠିତ ହୋଇଯାଇଛି । ମାଟିଲଗ୍ନା ସାହିତ୍ୟ ସଂସଦର ରାଜ୍ୟ ସଭାପତି ତଥା ସାହିତ୍ୟ ଏକାଡେମୀ ସଦସ୍ୟ କିଶୋର ପ୍ରଧାନ ସଭାପତିତ୍ଵ କରିଥିଲେ । ମୁଖ୍ୟ ଅତିଥି ଭାବେ ବଲାଙ୍ଗିର ପୌରାଧକ୍ଷା ଲିକା ସାହୁ, ମୁଖ୍ୟ ବକ୍ତା ଭାଗୀରଥୀ ମିଶ୍ର, ସମ୍ମାନୀତ ଅତିଥି ଶ୍ରୀମତୀ ରଞ୍ଜିତା ପାଣିଗ୍ରାହୀ ଯୋଗ ଦେଇଥିଲେ । ଏହି ପରିପ୍ରେକ୍ଷୀରେ ବିଭିନ୍ନ ପ୍ରତିଭାଧାରୀମାନଙ୍କୁ ମଞ୍ଚାସିନ ଅତିଥିମାନେ ପୁଷ୍ପଗୁଚ୍ଛ, ଉତ୍ତରୀୟ ଓ ମାନପତ୍ର ଦେଇ ସମ୍ବର୍ଦ୍ଧିତ କରିଥିଲେ । ଏହି ଅବସରରେ ବଲାଙ୍ଗିର ସଂମ୍ପୁର୍ଣ୍ଣା ଅନୁଷ୍ଠାନର ସମ୍ପାଦିକା ତଥା କବିୟତ୍ରୀ ରଶ୍ମି ପାତ୍ରଙ୍କୁ “ମାଟିଲଗ୍ନା ସୃଷ୍ଟି କଲ୍ୟାଣୀ”ରେ ସମ୍ମାନୀତ କରାଯାଇଥିଲା । ଗତ ଜୁଲାଇ ୨୮ ତାରିଖରେ ମାଲକାନଗିରିରେ ହୋଇଥିବା ମାଟିଲଗ୍ନାର ପ୍ରତିଷ୍ଠା ଦିବସରେ ଅନୁପସ୍ଥିତ ଥିବା ଶ୍ରୀମତୀ ରଶ୍ମି ପାତ୍ରଙ୍କୁ ବଲାଙ୍ଗୀର କାର୍ଯ୍ୟକ୍ରମରେ ମାଟିଲଗ୍ନା ତୁଳସୀ ସମ୍ମାନରେ ସମ୍ମାନୀତ କରିଥିଲେ । ଏବଂ ସ୍ଵାଗତ ସଙ୍ଗୀତ ମଧ୍ୟ ପରିବେଷଣ କରି ମନ୍ତ୍ରମୁଗ୍ଧ କରିଥିଲେ ।