ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ପାଇକମାଲ ବ୍ଲକ ଜର୍ଜଗଡ଼ ଗ୍ରାମରେ ଏକ ନିଆରା ଢଙ୍ଗ ୭୭ତମ ସ୍ୱାଧୀନତା ଦିବସ ପାଳନ କରାଯାଇଛି । ଜର୍ଜଗଡ଼ ଗ୍ରାମର ୯ ଗୋଟି ଏସ୍ଏଚ୍ଜି ଗୃପର ମା’ ଓ ଭଉଣୀମାନଙ୍କ ଆନୁକୂଲ୍ୟରେ ତଥା ଯୁବକମାନଙ୍କ ସହଯୋଗରେ ଅଙ୍ଗନବାଡି ସେଣ୍ଟର ପାଖରେ ୨୫ ଜଣ ଅଙ୍ଗନବାଡି ଶିଶୁମାନଙ୍କୁ ନେଇ ପାଳତି ହୋଇଥିଲା ସ୍ୱାଧୀନତା ଦିବସ । ଏଥିରେ ମୁଖ୍ୟ ଅତିଥି ଭାବେ ତହସିଲଦାର ଅକ୍ଷୟ କୁମାର ବାଗ ଯୋଗଦେଇ ପତାକା ଉତ୍ତୋଳନ କରିଥିବା ବେଳେ ମହିଳାମାନେ ହୁଳହୁଳି ପକାଇ ଥିଲେ । ଟିକି ଟିକି ଛୁଆମାନଙ୍କ ମୁହଁରୁ ଭାସି ଆସିଥିଲା ଜାତୀୟ ସଂଗୀତ । ସମ୍ମାନିତ ଅତିଥି ଭାବେ ଜନ କଲ୍ୟାଣ ଟ୍ରଷ୍ଟର ଆଜୀବନ ସଦସ୍ୟ ବଡ ଶତପଥି ଓ ବିଭୁତି ମୁଣ୍ଡ ମଧ୍ୟ ଯୋଗଦେଇ ନିଜସ୍ୱ ମତ ବ୍ୟକ୍ତ କରିଥିଲେ । ଶେଷରେ ଶିଶୁ ମାନଙ୍କୁ ମିଷ୍ଟାନ୍ନ ବଣ୍ଟନ କରାଯାଇଥିଲା ।