ବଲାଙ୍ଗିର, (କେପିଏନ୍ଏସ୍) : ସ୍ୱାଧୀନତା ଦିବସ ଅବସରରେ ବଲାଙ୍ଗିରର ସାମାଜିକ ସଂଗଠନ ସହଯୋଗ ଫାଉଣ୍ଡେସନ, ଜିଲ୍ଲା କାରାଗାରରେ କିରଣ କାର୍ଯ୍ୟକ୍ରମରେ ପ୍ରେରଣାଦାୟକ ବକ୍ତା ହରିଶ ଅଗ୍ରୱାଲ କହିଛନ୍ତି ଯେ, ଜେଲକୁ ଏକ ସଂସ୍କାର ଗୃହ କରିବା ପାଇଁ, ଆତ୍ମର ଉନ୍ନତି ପାଇଁ ଏବଂ ଆତ୍ମ ପରିବର୍ତ୍ତନ କରିବାକୁ ଚେଷ୍ଟା କରିବା ପାଇଁ କାରାଗାର ଆତ୍ମା ପରିବର୍ତନର ଏକ କେନ୍ଦ୍ର ଅଟେ । ଶ୍ରୀ ଅଗ୍ରୱାଲ କହିଛନ୍ତି ଯେ, ପରସ୍ପରଠାରୁ ପ୍ରତିଶୋଧ ନେବା ପରିବର୍ତ୍ତେ ଆମକୁ ନିଜକୁ ପରିବର୍ତ୍ତନ କରିବାକୁ ପଡିବ କାରଣ ପ୍ରତିଶୋଧ ନେବା ମାନସିକ ଉତ୍ତେଜନା ଏବଂ ସମସ୍ୟାକୁ ବଢ଼ାଇ ଥାଏ । କାରାଗାରର କୌଣସି ସ୍ଥାନରେ ବସି ଧ୍ୟାନ ଏବଂ ପରିବର୍ତ୍ତନ ବିଷୟରେ ଚିନ୍ତା କଲେ ଆପଣ ଭବିଷ୍ୟତରେ ଜଣେ ଭଲ ନାଗରିକ ଭାବରେ ଜୀବନଯାପନ କରିବାକୁ ସମର୍ଥ ହେବେ । କିରଣ କାର୍ଯ୍ୟକ୍ରମରେ ବଲାଙ୍ଗିରର ସହ ତହସିଲଦାର ସମ୍ପୂର୍ଣ୍ଣ ନନ୍ଦ ବେଜ ଅତିଥି ଭାବରେ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମକୁ ସଫଳ କରିବାରେ ଜେଲ ଅଧୀକ୍ଷକ ସର୍ବେଶ୍ୱର ସାହୁ ଏବଂ ମେଡିକାଲ ଅଫିସର ସୌମ୍ୟ ଦାଶଙ୍କର ବିଶେଷ ସହଯୋଗ ଥିଲା । କିରଣ କାର୍ଯ୍ୟକ୍ରମ ପରିଚାଳନାରେ ଆର୍ତତ୍ରାଣ ପାଢ଼ୀ, ଡକ୍ଟର ପଞ୍ଚାନନ ପ୍ରଧାନ, ବିଜୟ ମୋଦୀ, ଚିନ୍ମୟ ବିର୍, ରାମ ନାରାୟଣ ଦାଶ, ସୁଷମା ଗୋୟଲ, ପୀୟୁଷ ଅଗ୍ରୱାଲ ଏବଂ ଖୁସବୁ ମିତ୍ତଲ ସହଯୋଗ କରିଥିଲେ । ଖୁବ୍ ଶୀଘ୍ର ଜେଲରେ ୭ ଦିନ ଧ୍ୟାନ କ୍ଲାସ୍ ଆରମ୍ଭ ହେବ ବୋଲି ସହଯୋଗ ଫାଉଣ୍ଡେସନର ସମ୍ପାଦିକା ପିଙ୍କି ମୋଦୀ ସୂଚନା ଦେଇଛନ୍ତି ।
Next Post