ଗଞ୍ଜାମ, (ପ୍ରଦୀପ କୁମାର ପଣ୍ଡା) : ଗଞ୍ଜାମ ବ୍ଲକ ଅନ୍ତର୍ଗତ ଝାରେଡିରାଧାଗୋବିନ୍ଦପୁର ଗ୍ରାମର ସୁରଜ ନାୟକ ୧୫୨ ରେଙ୍କ ରଖି ଓପିଏସସି ପରୀକ୍ଷାରେ କୃତିତ୍ୱ ହାସଲ କରିଛନ୍ତି । ଯାହାକୁ ନେଇ ସ୍ଥାନୀୟ ଅଂଚଳରେ ଖୁସିର ଲହରୀ ଖେଳିଯାଇଛି । ଏହି ସଫଳତା ଗଞ୍ଜାମ ବ୍ଲକ ଏବଂ ସ୍ଥାନୀୟ ଅଞ୍ଚଳ ପାଇଁ ଗୌରବ ଆଣିଦେଇଛି । ଏନେଇ ଗୁରୁବାର ଛତ୍ରପୁର ବିଧାୟକ ସୁବାଷ ଚନ୍ଦ୍ର ବେହେରା ଓପିଏସ୍ସି ପରୀକ୍ଷାରେ କୃତିତ୍ୱ ହାସଲ କରିଥିବା ସୁରଜଙ୍କୁ ପୁଷଗୁଚ୍ଛ ପ୍ରଦାନ କରି ଶୁଭେଚ୍ଛା ଓ ସମ୍ବର୍ଦ୍ଧନା ଜଣାଇଛନ୍ତି । ଏହି କାର୍ଯ୍ୟକ୍ରମରେ ୧୫ ନମ୍ବର ଜିଲ୍ଲା ପରିଷଦ ସଭ୍ୟ ସନାତନ ବେହେରା, ପୂର୍ବତନ ବ୍ଲକ ଅଧକ୍ଷ ସୁରଥ ପ୍ରଧାନ, ସରପଞ୍ଚ ସିଦେ୍ଧଶ୍ୱରର ନାହାକ, ସମିତି ମେମ୍ବର ଚକା ନାହାକ, ବିଜେଡି ଯୁବନେତା ଚିତ୍ତରଞ୍ଜନ ନାହାକ, ମହେଶ୍ୱର ନାହାକ ପ୍ରମୁଖ ଉପସ୍ଥିତ ଥିଲେ । ସ୍ୱର୍ଗତ ସୁଧୀର ନାହାକଙ୍କ ପୁଅ ସୁରଜ ୨୦୧୩ରେ ଏସ୍ଟି ସ୍କେଭେର ହାଇସ୍କୁଲରୁ ମ୍ୟାଟ୍ରିକ ପାସ କରିବା ପରେ ଆରିୟାନ ଗୁରୁକୁଳ ରେସିଡେଣ୍ଟଲ କଲେଜରେ ଅଧୟନ କରି ୨୦୧୫ରେ ଖଲିକୋଟ ଅଟୋନମସ ବ୍ରହ୍ମପୁର ବିଶ୍ୱବିଦ୍ୟାଳୟରେ ଗ୍ରାଜୁଏସନ ଶେଷ କରିଥିଲେ । ସୁରଜ ଏଥିପାଇଁ କୌଣସି କୋଚିଂ ନେଇ ନ ଥିବା ଗଣମାଧ୍ୟମକୁ ସୂଚନା ଦେଇଛନ୍ତି । ୟୁଟୁବୁ ସାହାଯ୍ୟରେ ଘରେ ପାଠ ପଢି ଏହି ସଫଳତା ହାସଲ କରିଛନ୍ତି ବୋଲି ଯୋଗାଯୋଗ ବେଳେ କହିଛନ୍ତି । ଏଥିପାଇଁ ସେ ପ୍ରଥମେ ଭଗବାନ ଓ ନିଜ ବାବା, ଜେଜେବାପା ଏବଂ ବଡ଼ ମାମୁଙ୍କୁ ମଧ୍ୟ ଶ୍ରେୟ ଦେଇଛନ୍ତି ସୁରଜ । ଏଥିସହ ତାଙ୍କର ଏହି ଲମ୍ବା କେରିଅରରେ ତାଙ୍କ ସାନ ଭଉଣୀ ଫିଉ ମଧ୍ୟ ତାଙ୍କୁ ସହଯୋଗ କରିଥିଲେ ବୋଲି କହିଛନ୍ତି ସୁରଜ । ଏହି ସଫଳତା ନିମନ୍ତେ ସୁରଜଙ୍କୁ ବିଭିନ୍ନ ମହଲରୁ ଶୁଭେଚ୍ଛାର ଜଣାଇଛନ୍ତି ସମସ୍ତେ ।