ବଲାଙ୍ଗିର, (କେପିଏନ୍ଏସ୍) : ସହରରେ ପ୍ରବଳ ବର୍ଷା ଏବେ ଲାଗି ରହିଥିବା ବେଳେ ଏବେ ବି ସହରର ଅନେକ ପଡ଼ା ସହ ଶାସ୍ତ୍ରୀନଗରପଡ଼ା ଜଳମଗ୍ନ ହୋଇଛି । ଯାହାକୁ ନେଇ ପ୍ରଶାସନ ପକ୍ଷରୁ ଜିଲ୍ଲାପାଳ ଚଞ୍ଚଳ ରାଣା ଓ ପୌର ପରିଷଦ ପକ୍ଷରୁ ପୌର ଅଧ୍ୟକ୍ଷା ଲିକା ସାହୁ ଶାସ୍ତ୍ରୀନଗରପଡ଼ାରେ ପହଞ୍ଚି ଜଳବନ୍ଦୀରେ ଥିବା ପରିବାରମାନଙ୍କୁ ସୁରକ୍ଷିତ ସ୍ଥାନରେ ରଖିବା ପାଇଁ ବ୍ୟବସ୍ଥା କରିଥିବା ଜଣାପଡିଛି । ଏହି ସମୟରେ ପୌର ପରିଷଦର କାର୍ଯ୍ୟନିର୍ବାହୀ ଅଧିକାରୀ ବିଶ୍ୱମ୍ବର ମିଶ୍ର ମଧ୍ୟ ଉପସ୍ଥିତ ଥିଲେ ।