ବଲାଙ୍ଗିର, (ଦେବାଶିଷ ମିଶ୍ର) : ଆଜି ବଲାଙ୍ଗିର ଜିଲ୍ଲାର ବିଭିନ୍ନ କେନ୍ଦ୍ରରେ ପିଇଓ ପରୀକ୍ଷା ଚାଲିଥିଲା । ବଲାଙ୍ଗିର ଜିଲ୍ଲା ଯୁବ କୁଲୁତା ସମାଜର ସକ୍ରିୟ ସଦସ୍ୟ ବେଲପଡା ବ୍ଲକ ଝାଙ୍କିରିପାଲି ଗ୍ରାମର ସଞ୍ଜିବ ବିଶ୍ୱାଲ ମଧ୍ୟ ବଲାଙ୍ଗିର ମେଡିକାଲ କଲେଜରେ ପରୀକ୍ଷା ଦେବାକୁ ଆସିଥିଲେ । ଠିକ୍ ସେତିକି ବେଳେ ଦେଓଗାଁ ବ୍ଲକ ବଡବନ୍ଧ ଗ୍ରାମ ସୁରେଶ ପ୍ରଧାନ ରକ୍ତ ପାଇଁ ବଲାଙ୍ଗିର ଜିଲ୍ଲା ଯୁବ କୁଲୁତା ସମାଜକୁ ଯୋଗାଯୋଗ କରିଥିଲେ । ଖବର ପାଇବା ମାତ୍ରେ ଜିଲ୍ଲା ଯୁବ ସଭାପତି ଅସୀମ କୁମାର ଭୋଇ ବଲାଙ୍ଗିର ମେଡିକାଲ କଲେଜକୁ ଯାଇ ସଞ୍ଜିବ ବିଶ୍ୱାଲକୁ ନିଜ ଗାଡିରେ ବସାଇ ଆଣି ରକ୍ତଦାନ କରିଥିଲେ । ଶ୍ରୀ ବିଶ୍ୱାଲଙ୍କ ଏଭଳି ମହତ କାମ ପାଇଁ ବିଭିନ୍ନ ମହଲରେ ପ୍ରଶଂସା କରାଯାଉଛି । ଏଭଳି ମହତ କାମ ପାଇଁ ଜିଲ୍ଲା ଯୁବ କୁଲୁତା ସମାଜ ତରଫରୁ ସଞ୍ଜିବ ବିଶ୍ୱାଲଙ୍କୁ ସମ୍ମାନିତ କରାଯିବ ବୋଲି ସଂଗଠନ ତରଫରୁ ସୂଚନା ଦିଆଯାଇଛି ।