ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ଭେଉଁରିଆ ଗାଁର ମୂଳ ନିବାସୀ ପ୍ରକାଶ ଚନ୍ଦ୍ର ସାହୁ ଓ ଆରତୀ ସାହୁଙ୍କ ସୁପୁତ୍ରୀ ଅଲପି ସାହୁ ନିଟ୍ ପରୀକ୍ଷାରେ ସର୍ବଭାରତୀୟ ସ୍ତରରେ ୧୨୭୭୩ ରେଙ୍କ୍ରେ କୃତକାର୍ଯ୍ୟ ହୋଇଛନ୍ତି । ମା’ ଆରତୀ ସାହୁ ବଲାଙ୍ଗିର ଜିଲ୍ଲା ଶିକ୍ଷା ପ୍ରଶିକ୍ଷଣ ପ୍ରତିଷ୍ଠାନରେ ଶିକ୍ଷିକା ଭାବରେ କାର୍ଯ୍ୟ କରି ଆସୁଛନ୍ତି । ଅଲପି ତାଙ୍କର ଦଶମ ଓ ଦ୍ୱାଦଶ ଶିକ୍ଷା କେନ୍ଦ୍ରୀୟ ବିଦ୍ୟାଳୟ ବଲାଙ୍ଗିରଠାରେ ସମ୍ପାଦନ କରିଥିଲେ । ଭବନେଶ୍ୱରଠାରେ ନିଟ୍ ପାଇଁ ପ୍ରସ୍ତୁତି କରୁଥିଲେ । ମା’ ବାପାଙ୍କ ପ୍ରଚେଷ୍ଟା ଓ ଗଭୀର ଅଧ୍ୟବସାୟ ବଳରେ ଅଲପି ପରୀକ୍ଷାରେ ୭୨୦ରୁ ୬୩୨ ନମ୍ବର ରଖିଥିବାରୁ ପରିବାର ତଥା ଗାଁରେ ଖୁସିର ଲହରୀ ଖେଳିଯାଇଛି ।