ବଲାଙ୍ଗିର, (କେପିଏନ୍ଏସ୍) : ଆଜି ଜିଲ୍ଲା ଦଳିତ ସମାଜ ପକ୍ଷରୁ ସାମ୍ବିଧାନିକ ଭାରତର ରାଷ୍ଟ୍ରପିତା ତଥା ଭାରତ ରତ୍ନ ଡଃ. ଭୀମ ରାଓ ଆମ୍ବେଦକରଙ୍କ ୧୩୨ ଜନ୍ମ ଜୟନ୍ତୀ ଧୁମ୍ଧାମ୍ରେ ପାଳିତ ହୋଇଯାଇଛି । ଦଳିତ ସମାଜର ହଜାର ହଜାର ସଦସ୍ୟମାନେ କୋଶଳ କଳା ମଂଡଳ ଠାରୁ ଏକ ବିଶାଳ ରାଲିରେ ବାହାରି ସହରର ପିପି ଏକାଡେମୀ ଛକ, ପିଆର୍ ହାଇସ୍କୁଲ ଛକ ଓ ପାଟଣା ଛକ ଦେଇ କଚେରୀ ଛକକୁ ଆସି ବାବା ଭୀମ ରାଓ ଆମ୍ବେଦକରଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିଥିଲେ । ପରେ ଟାଉନ ହଲକୁୁ ଆସିଥିଲେ ଓ ଅନୁଷ୍ଠିତ ସଭାରେ ଯୋଗ ଦେଇଥିଲେ ହଜାର ହଜାର ଦଳିତ ସମାଜର ସଦସ୍ୟମାନେ । ଅନ୍ୟପଟେ ସାରା ସହର ଜୟ ଭୀମ ନାରାରେ କମ୍ପି ଉଠିଥିଲା ।