ଆଗଲପୁର, (ସୁଶିଳ କୁମାର ମିଶ୍ର) : ବଲାଙ୍ଗିର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ରୋତ ମହବିଦ୍ୟାଳୟର ମୂଳ ଅଧ୍ୟକ୍ଷ, ପ୍ରାଧ୍ୟାପକ, ଅଧ୍ୟାପକ ଓ କର୍ମଚାରୀମାନଙ୍କର ଏକ ବନ୍ଧୁମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ପୂର୍ବତନ ଅଧ୍ୟକ୍ଷ ଅଶ୍ୱିନୀ କୁମାର ଦାସ, ପ୍ରାଧ୍ୟାପକ ଧନଞ୍ଜୟ ସାହୁ, ଅରୁଣ ନାୟକ, ଅଜୟ କୁମାର ମିଶ୍ର, ଜୟନାରାୟଣ ବେହେରା, ଜଗନ୍ନାଥ ମହାପାତ୍ର, ପ୍ରଦୀପ ଷଡଙ୍ଗୀ, କ୍ଷୀରୋଦ୍ର ମହାରଣା, ଗୁପ୍ତେଶ୍ୱର ବାରିକ, ଧ୍ରୁବ ଚରଣ ପଧାନ, ଅନ୍ତର୍ଯ୍ୟାମୀ ନାୟକ ଓ ଅଣ କର୍ମଚାରୀ ପ୍ୟାରୀଲାଲ୍ ପଟେଲ, ଗଙ୍ଗାଧର ପଟେଲ, ରାହାସ ଚନ୍ଦନ, ଜୟସିଂ ବରିହା, କଉତୁକ ପଟେଲ, ମୀନକେତନ ବାରିକ ପ୍ରମୁଖ ଏହି ବନ୍ଧୁମିଳନ କାର୍ଯ୍ୟକ୍ରମରେ ଯୋଗ ଦେଇଥିଲେ । ଉକ୍ତ ବନ୍ଧୁମିଳନ ଅବସରରେ କଲେଜ ଅଧ୍ୟକ୍ଷ ସନ୍ତୋଷ କୁମାର ରଥଙ୍କ ସଭାପତିତ୍ୱରେ ଏକ ସଭାର ଆୟୋଜନ କରାଯାଇଥିଲା । ଅଧ୍ୟାପକ ଓ ଅଣ କର୍ମଚାରୀମାନେ ନିଜ ନିଜ ଅନୁଭୂତି ସ୍ମୃତିଚାରଣ କରିବା ସହ କଲେଜର ଉତ୍ତରୋତ୍ତର ଉନ୍ନତି ସକାଶେ ପ୍ରଭୁ ଜଗନ୍ନାଥଙ୍କ ଠାରେ କାମନା କରିଥିଲେ । ଦିବଙ୍ଗତ ଅଧ୍ୟାପକ ସମ୍ପଦ ନାୟକ, ଅଣ କର୍ମଚାରୀ ଜଗଦାନନ୍ଦ ଭୋଇ, ଗୋପାଳ ବେହେରାଙ୍କ ଉଦ୍ଦେଶ୍ୟରେ ଏକ ଶୋକସଭା କରାଯାଇ ସ୍ମୃତିଚାରଣ କରିଥିଲେ । ସର୍ବସମ୍ମତି କ୍ରମେ କଲେଜକୁ ସାହାଯ୍ୟର ହାତ ବଢାଇବା ପାଇଁ ସମ୍ମତି ପ୍ରଦାନ କରିଥିଲେ ।