ଦେଓଗାଁ, (ମନୀଷ କୁମାର ସାହୁ) : ଗୁଡ଼ଭେଲା ବ୍ଲକ ସମରା ସ୍ଥିତ ଦଧିବାବନ ମନ୍ଦିରର ଚତୁର୍ଦଶ ପ୍ରତିଷ୍ଠା ବାର୍ଷିକ ଉତ୍ସବ ଅବସରରେ ବିଶ୍ବ କଲ୍ୟାଣ ନିମନ୍ତେ ଗତ ୨୭ ତାରିଖରୁ ସ୍ଥାନୀୟ ଦଧିବାବନ ମନ୍ଦିର କମିଟି ପକ୍ଷରୁ ରାମଚରିତ ମାନସ ନବାହ ପାରାୟଣ ଓ ଶ୍ରୀଗୁଣ୍ଡିଚା ମନ୍ଦିରର ରତ୍ନମୁଦ ସ୍ଥାପନ କାର୍ଯ୍ୟକ୍ରମ ଅନୁଷ୍ଠିତ ହୋଇଆସୁଛି । ଏହି କାର୍ଯ୍ୟକ୍ରମଟି ୨୭ ତାରିଖ ଆରମ୍ଭ ହୋଇ ୯ଦିନ ପାଇଁ ରାମଚରିତ ମାନସ ପାରାୟଣ ପାଠ ହୋଇ ଆସୁଛି । ସମରା ଗାଁ କମିଟି ପକ୍ଷରୁ ଆୟୋଜିତ ଏହି ପାରାୟଣ କାର୍ଯ୍ୟକ୍ରମରେ ବ୍ୟାସ ଭାବେ ବଲାଙ୍ଗିରର ପୀତାମ୍ବର ମିଶ୍ର ଯୋଗଦେଇ ପାରାୟଣ ଗାନ କରୁଥିବା ବେଳେ ଗାଁର ପୂଜକ ରାମକୃଷ୍ଣ ପୁରୋହିତ କାର୍ଯ୍ୟଭାର ତୁଲାଉଛନ୍ତି । ପରିଚାଳନା କମିଟିର ସମସ୍ତ ସଦସ୍ୟ ତଥା ଗ୍ରାମବାସୀଙ୍କ ସହଯୋଗରେ କାର୍ଯ୍ୟକ୍ରମ ପରିଚାଳିତ ହେଉଛି ।