କୋଲକାତା : ଫ୍ଲାଏ ଆଶ୍ ନେଇ ସ୍ୱଦେଶ ଫେରୁଥିବା ବାଂଲାଦେଶର ମାଲ ପରିବହନକାରୀ ଜାହାଜ ଅନ୍ୟ ଏକ ଜାହାଜ ସହିତ ମୁହାଁମୁହିଁ ହେବା ପରେ ହୁଗୁଳି ନଦୀରେ ବୁଡ଼ି ଯାଇଛି । ଶନିବାର ଆଭ୍ୟନ୍ତରୀଣ ଜଳପଥ ପ୍ରାଧିକରଣର ଜଣେ ଅଧିକାରୀ ଏହି ସୂଚନା ପ୍ରଦାନ କରିଛନ୍ତି । କୋଲକାତା ଠାରୁ ପ୍ରାୟ ୬୦ କିଲୋମିଟର ଦୂରରେ ଥିବା ଦକ୍ଷିଣ ୨୪ ପରଗଣା ଜିଲାର ନିଶ୍ଚିତପୁରରେ ଶୁକ୍ରବାର-ଶନିବାର ମଧ୍ୟବର୍ତ୍ତୀ ରାତିରେ ଏହି ଘଟଣା ଘଟିଛି ବୋଲି ସେ କହିଛନ୍ତି । ଅଧିକାରୀ ଜଣକ କହିଛନ୍ତି ଯେ, ଜାହାଜରେ ଥିବା ଚାଳକ ଦଳର ନଅ ଜଣ କର୍ମଚାରୀଙ୍କୁ ପୋଲିସ ସୂଚନା ପାଇବା ପରେ ଘଟଣାସ୍ଥଳରେ ପହଞ୍ଚି ଉଦ୍ଧାର କରାଯାଇଥିଲା । ପୋଲିସ କହିଛି ଯେ, ଉଦ୍ଧାର ପରେ କ୍ରୁ ସଦସ୍ୟଙ୍କୁ ପୋଲିସ ଷ୍ଟେସନକୁ ଅଣାଯାଇଥିଲା । ଜାହାଜର ପ୍ରତିନିଧି କହିଛନ୍ତି ଯେ, ଜାହାଜର ଏକ ଅଂଶ ଜଳମଗ୍ନ ହୋଇଯାଇଥିଲା ଏବଂ ଇଞ୍ଜିନ ରୁମରେ ଜଳ ଶୀଘ୍ର ଭରି ଯାଉଥିଲା । ଜାହାଜକୁ ଏବେ ମଧ୍ୟ ଉଦ୍ଧାର କରାଯାଇପାରିବ ବୋଲି ସେ କହିଛନ୍ତି ।