ଗଞ୍ଜାମ, (ପ୍ରଦୀପ କୁମାର ପଣ୍ଡା) : ଗଞ୍ଜାମ ସହର ସ୍ଥିତ ଗ୍ରାସୀମ କମ୍ପାନୀ ପକ୍ଷରୁ ବିବେକାନନ୍ଦ ଜୟନ୍ତୀ ଓ ଜାତୀୟ ଯୁବ ଦିବସ ଅବସରରେ ଋଷିକୁଲ୍ୟା ମୁହାଣ ବେଳାଭୂମି ଗଞ୍ଜାମ ବ୍ଲକ ନୂଆଁ ପୋଡ଼ମପେଟା ଠାରୁ ଗୋଖରାକୁଦା ପର୍ଯ୍ୟନ୍ତ ସ୍ଵଚ୍ଛତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସାମୁଦ୍ରିକ କଇଁଛଙ୍କ ସୁରକ୍ଷିତ ଗଣ ଅଣ୍ଡାଦାନ ଆଗକୁ ନଜର ରଖି ସ୍ଵଚ୍ଛ ସମୁଦ୍ର ବେଳାଭୂମିକୁ ସୁନ୍ଦର କରିବା ନେଇ କମ୍ପାନୀ କର୍ତ୍ତୃପକ୍ଷ ବେଳାଭୂମିରେ ପଡିଥିବା ପ୍ଲାଷ୍ଟିକ ବୋତଲ, ଆଦରକାରୀ ପଲିଥିନ, ଅଳିଆ ଆବର୍ଜନା ଗୁଡିକୁ ସଫେଇ କରାଯାଇଥିଲା । କମ୍ପାନୀ ୟୁନିଟ ହେଡ଼୍ ଅଶୋକ ଗୁପ୍ତା, ଫାଇନାନ୍ସ ହେଡ଼୍ ହରି ଶରଣ ଶର୍ମା, ଏଚଆର ହେଡ଼୍ ନିରଜ ପଟ୍ଟନାୟକ, ସିଏସଆର ହେଡ଼୍ ରବିନ୍ଦ୍ର ମହାନ୍ତିଙ୍କ ନେତୃତ୍ୱରେ ଏହି ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଆୟୋଜିତ ସ୍ଵଚ୍ଛତା କାର୍ଯ୍ୟକ୍ରମରେ ଯୁବ ଇଞ୍ଜିନିୟର ଷ୍ଟାପ, ଏଚଆର ଷ୍ଟାପ, ଫାଫାଇନ୍ସ ଷ୍ଟାପ ମେଟେରିଆଲ ଷ୍ଟାପ ଓ ଅନ୍ୟମାନେ ସାମିଲ ହୋଇଥିଲେ ।