ଆଗଲପୁର, (ସୁଶିଳ କୁମାର ମିଶ୍ର) : ବଲାଙ୍ଗିର ଜିଲ୍ଲା ଆଗଲପୁର ବ୍ଲକ ବାବୁଫାସଡ ଗ୍ରାମ ପଂଚାୟତ ବାଞ୍ଜିପାଲି ଗ୍ରାମର ରଘୁ କୁମ୍ଭାର(୪୦ବର୍ଷ)ଙ୍କ ବାଇକ ଦୁର୍ଘଟଣାରେ ମୃତ୍ୟୁ ହୋଇଯାଇଥିବା ପୋଲିସ ପକ୍ଷରୁ ପ୍ରକାଶ । ସୂଚନା ମୁତାବକ, ବାଞ୍ଜିପାଲି ଗ୍ରାମର ରଘୁ କୁମ୍ଭାର କୌଣସି କାମରେ ନିକଟସ୍ଥ ଆଗଲପୁରକୁ ଆସିଥିଲେ । କାମ ସାରି ଫେରୁଥିବା ବେଳେ ଆଗଲପୁର ଜଳସାଗର ବୁଲାଣି ରାସ୍ତାରେ ବିପରିତ ଦିଗରୁ ଇଂସା ଗ୍ରାମର ରଜନୀକାନ୍ତ ବେହେରା ଆସୁଥିବା ବେଳେ ବୁଲାଣି ରାସ୍ତାରେ ଦୁଇ ବାଇକ ମୁହାଁମୁହିଁ ପିଟି ହେବାରୁ ରଘୁ କୁମ୍ଭାର ବାଇକରୁ ଛିଟିକି ପଡି ଗୁରୁତର ଅବସ୍ଥାରେ ପଡିରହିଥିଲେ । କୌଣସି ସୂତ୍ରରୁ ଆଗଲପୁର ପୋଲିସ ଖବର ପାଇ ଘଟଣାସ୍ଥଳରେ ପହଂଚି ରଘୁ କୁମ୍ଭାରଙ୍କୁ ଘଟଣାସ୍ଥଳରୁ ଆଗଲପୁର ଡାକ୍ତରଖାନା ପହଂଚାଇ ଚିକିତ୍ସା କରୁଥିବା ସମୟରେ ତାଙ୍କର ପ୍ରାଣବାୟୁ ଉଡିଯାଇଥିଲା । ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମୃତ ରଘୁ କୁମ୍ଭାରଙ୍କ ଗାଡି ନଂ ଓଡି ୦୩ ଇ ୩୦୬୮ହୋଇଥିବା ବେଳେ ଆହତ ରଜନୀକାନ୍ତଙ୍କ ଗାଡି ନଂ ଓଡି ୦୩ବି ୪୩୪୧ ହୋଇଥିବା ପୋଲିସ ସୂତ୍ରରୁ ପ୍ରକାଶ । ଘଟଣାଟି ଆଗଲପୁର କେସ ନଂ ୩,୧୨-୧-୨୩ ଦଫା ୨୭୯/୩୦ଏ ଆଇପିସି ମାମଲାରେ ରୁଜୁ ହୋଇଥିବା ଏଏସଆଇ ନାରାୟଣ ସାହାଙ୍କ ଠାରୁ ପ୍ରକାଶ ।