ବାଗଦୋର ଗ୍ରାମ ପଞ୍ଚାୟତ କାର୍ଯ୍ୟାଳୟଠାରେ ଅସହାୟମାନଙ୍କୁ ପୋଲିସ ପ୍ରଶାସନ ଦ୍ୱାରା କମ୍ବଳ ବଣ୍ଟନ

ବେଲପଡା, (ଭୋଜରାଜ ଦଣ୍ଡସେନା) : ଆଜି ବଲାଙ୍ଗିର ଜିଲ୍ଲାର ବେଲପଡା ବ୍ଲକ ଅନ୍ତର୍ଗତ ବାଗଦୋର ଗ୍ରାମ ପଞ୍ଚାୟତ କାର୍ଯ୍ୟାଳୟଠାରେ ବେଲପଡା ପୋଲିସ ଆଇଆଇସି ବୁଲୁ ମୁଣ୍ଡାଙ୍କ ନେତୃତ୍ୱରେ ଅସହାୟ ନିରୀହମାନଙ୍କୁ କମ୍ବଳ ବଣ୍ଟନ କରାଯାଇଛି । ଉକ୍ତ ଗ୍ରାମ ପଞ୍ଚାୟତର ଶତାଧିକ ବୃଦ୍ଧବୃଦ୍ଧାମାନଙ୍କୁ ଶୀତ ଦାଉରୁ ରକ୍ଷା କରିବା ପାଇଁ ବେଲପଡା ପୋଲିସ ଦ୍ୱାରା ଏହା ଏକ ଭଲ ପଦକ୍ଷେପ ବୋଲି ଆଲୋଚନା ହେଉଛି । କମ୍ବଳ ପାଇ ବୃଦ୍ଧବୃଦ୍ଧାମାନେ ବହୁତ ଆନନ୍ଦ ଅନୁଭବ କରିବା ସହ ବେଲପଡା ପୋଲିସକୁ ଧନ୍ୟବାଦ ଦେଇଛନ୍ତି ।