ବରଗଡ଼, (ନିରୋଜ କୁମାର ପାଣୀ) : ବିଶ୍ଵ ପ୍ରସିଦ୍ଧ ଧନୁଯାତ୍ରା ମହୋତ୍ସବ ପାଇଁ ଆଜି ‘ଆମର ବରଗଡ଼ ଧନୁଯାତ୍ରା’ ଏପ୍କୁ ବରଗଡ଼ ଜିଲ୍ଲାପାଳ ତଥା ଧନୁଯାତ୍ରା ମହୋତ୍ସବ ସମିତିର ସଭାନେତ୍ରୀ ମୋନୀଷା ବାନାର୍ଜୀ ଉଦ୍ଘାଟନ କରିଥିଲେ । ଏହି ଅବସରରେ ଆୟୋଜିତ ସଭାରେ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ କଲ୍ୟାଣୀ ଦାସ ପରିଚାଳନା କରିଥିଲେ । ଏଥିରେ ଅତିରିକ୍ତ ଜିଲ୍ଲାପାଳ ମିର୍ଦ୍ଧା ଟପ୍ପୋ, ଜିଲ୍ଲା ଏସ୍ପି ପର୍ମାର ସ୍ମିତ ପୁରୁଷୋତ୍ତମ ଦାଶ, ମହୋତ୍ସବ ସମିତିର ସମ୍ପାଦକ ସୁରେଶ୍ଵର ଶତପଥୀ ପ୍ରମୁଖ ମଞ୍ଚାସୀନ ଥିଲେ । ମହୋତ୍ସବ ସମିତିର ପ୍ରଚାର ପ୍ରସାର କମିଟି ପକ୍ଷରୁ ତଥା ବିକାଶ ଗ୍ରୁପ ଅନୁଷ୍ଠାନ ପକ୍ଷରୁ ଡିଜାଇନ୍ ହୋଇଥିବା ଏହି ଏପ୍ ଗୁଗଲ ପ୍ଲେ ଷ୍ଟୋରରୁ ଡାଉନଲୋଡ କରିପାରିବେ। ଏଥିରେ ଧନୁଯାତ୍ରାର ପ୍ରତ୍ୟେକ ଦିନର ସିଧା ପ୍ରସାରଣ ଦେଖିବାକୁ ମିଳିବ । ସେହିପରି ମହାରାଜା କଂସଙ୍କ ଏବଂ ଭଗବାନ ଶ୍ରୀକୃଷ୍ଣଙ୍କ ପ୍ରତ୍ୟହ ଲାଇଭ କାର୍ଯ୍ୟକ୍ରମ ଓ ଲୋକେସନ, ଲେଆଉଟ ମେପ, ଟ୍ରାଫିକ ମେପ ଉପଲବ୍ଧ ହେବ ।