ବଲାଙ୍ଗିର, (କେପିଏନ୍ଏସ୍) : ସ୍ଥାନୀୟ ରୁଗୁଡିପଡା ନିବାସୀ ତଥା ସହରର ଜଣାଶୁଣା ହିମାଂଶୁ ପାଢୀ (ନିମା)ଙ୍କ ମାତା ଦେବହୂତି ପାଢୀଙ୍କ ଦେହାନ୍ତ ହୋଇଯାଇଥିବା ସୂଚନା ମିଳିଛି । ସୂଚନା ଅନୁସାରେ ଗତ ରାତ୍ର ୧୦ଟା ସମୟରେ ଭଗବାନଙ୍କ ଠାରେ ସେ ଆଶ୍ରୟ ନେଇଯାଇଛନ୍ତି । ପ୍ରକାଶ ଥାଉକି, ଦେବହୂତି ପାଢୀ ଜଣେ ଧର୍ମପରାୟଣା, ପରୋପକାରୀ ମହିଳା ଭାବରେ ଅଞ୍ଚଳରେ ବେଶ ସୁମାନ ଅର୍ଜନ କରିଥିଲେ । ସୂଚନା ଅନୁସାରେ ଆଜି ପୂର୍ବାହ୍ନରେ ତାଙ୍କ ମର ଶରୀରକୁ ପୁରୀ ସ୍ୱର୍ଗଦ୍ୱାରକୁ ନିଆଯାଉଥିବା ବେଳେ ସେଠାରେ ତାଙ୍କ ଅନ୍ତିମ ସତ୍କାର ହେବ । ତାଙ୍କ ବିଯୋଗରେ ରୁଗୁଡିପଡା ଓ ଆଖପାଖ ଅଞ୍ଚଳରେ ଶୋକର ଛାୟା ଖେଳିଯାଇଛି ।