ଭୁବନେଶ୍ୱର : ପୋଲିସ ଏସ୍ଆଇଙ୍କ ଘରେ ଭିଜିଲାନ୍ସ ରେଡ୍ । ତମାଣ୍ଡୋ ଥାନା ଏସ୍ଆଇ ଅଭିମନ୍ୟୁ ଚୌଧୁରୀଙ୍କ ଘରେ ଭିଜିଲାନ୍ସ ଚଢାଉ କରିଥିବା ଜଣାପଡିଛି । ଆୟ ବହିର୍ଭୂତ ସମ୍ପତି ଠୁଳ ଅଭିଯୋଗରେ ଚଢାଉ ଜାରି ରହିଛି । ଅଭିମନ୍ୟୁ ଚୌଧୁରୀଙ୍କ ଅଫିସ ସମେତ ଭୁବନେଶ୍ଵର ଓ ନୟାଗଡର ୩ଟି ସ୍ଥାନରେ ଏକକାଳୀନ ଚଢାଉ ଚାଲିଛି । ସୂଚନା ଅନୁଯାୟୀ, ତମାଣ୍ଡୋ ଥାନା ସ୍ଥିତ ଅଫିସ ରୁମ୍, ଭୁବନେଶ୍ଵର ପାଇକନଗର ସ୍ଥିତ ୪ ମହଲା ବିଲ୍ଡିଂ, ନୟାଗଡ ରଣପୁରରେ ଥିବା ଗୋଟିଏ ବିଲ୍ଡିଂରେ ରେଡ୍ କରିଛି ଭିଜିଲାନ୍ସ । ଭୁବନେଶ୍ଵର ଭିଜିଲାନ୍ସ ସ୍ପେଶାଲ ଜଜଙ୍କ ନିର୍ଦ୍ଦେଶରେ ଚଢାଉ ଚାଲିଛି । ଏହି ଚଢାଉରେ ୩ ଜଣ ଏସ୍ପି, ୧୧ ଜଣ ଇନସ୍ପେକ୍ଟର, ୬ ଜଣ ଏଏସଆଇ ସାମିଲ ଅଛନ୍ତି ।