ଭୋଗରାଇ : ରଘୁନାଥ ନୋଡାଲ ଏକାଡେମୀର ସୁବର୍ଣ୍ଣ ଜୟନ୍ତୀ ସମାରୋହ ଅବୁଷ୍ଠିତ ହୋଇଯାଇଛି । ଏହି ଅବସରରେ ବିଗତ ମାଟ୍ରିକ ପରୀକ୍ଷାରେ ଏହି ଶିକ୍ଷାନୁଷ୍ଠାନରୁ ପ୍ରଥମ, ଦ୍ୱିତୀୟ ଓ ତୃତୀୟ ସ୍ଥାନ ଅଧିକାର କରିଥିବା ଛାତ୍ରଛାତ୍ରୀ ଯଥାକ୍ରମେ ସୌମ୍ୟରଞ୍ଜନ ପାତ୍ର, ସୂର୍ଯ୍ୟପ୍ରକାଶ ମହାନ୍ତ ଓ ସୁମୈୟା ପରୱିନଙ୍କୁ ‘ଡାକ୍ତର ଇନ୍ଦୁମତି ଦାସ ସ୍ମୃତି ସମ୍ମାନ’ ପୁରସ୍କାରରେ ସମ୍ବର୍ଦ୍ଧିତ କରାଯାଇଥିଲା । ଏହାସହିତ ଏହି ଶିକ୍ଷାନୁଷ୍ଠାନର ଅବସରପ୍ରାପ୍ତ ଏବଂ ପୂର୍ବତନ ଶିକ୍ଷକ ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା । ଏହି ଅବସରରେ ଅପରାହ୍ନରେ ଗୁରୁପୂଜନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । କମ୍ପ୍ୟୁଟର ଶିକ୍ଷକ ଶିଶିର କୁମାର ପ୍ରଧାନ ଧନ୍ୟବାଦ ଅର୍ପଣ କରିଥିଲେ । ପରେ ଓଡ଼ିଶାର ବିଶିଷ୍ଟ ହାସ୍ୟାଭିନେତା ପପୁ ପମପମ୍ ଏବଂ କଣ୍ଠଶିଳ୍ପୀ ଓ ସାଥୀ ମାନଙ୍କ ଦ୍ଵାରା ବିଳମ୍ବିତ ରାତି ପର୍ଯ୍ୟନ୍ତ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ପରିବେଷିତ ହୋଇଥିଲା ।