କଣ୍ଟାବାଞ୍ଜି, (କୈଳାସ ସଗ୍ରିଆ) : ବଲାଙ୍ଗିର ଜିଲ୍ଲା କଣ୍ଟାବାଞ୍ଜି ସବ୍ ଜେଲ୍ କଣ୍ଟାବାଞ୍ଜି ପରିସରରେ ଆନ୍ତର୍ଜାତୀୟ ମାନବିକ ଅଧିକାର ଦିବସ ସହିତ ଓଡିଶା ଅନ୍ତେବାସୀ ସୁରକ୍ଷା ଦିବସ ପାଳିତ ହୋଇଯାଇଛି । କଣ୍ଟାବାଞ୍ଜି ସବ୍ ଜେଲ୍ର ଅଧିକାରୀ ବିକାଶ ଲତା ବାରୁଙ୍କ ସଭାପତିତ୍ୱରେ ଏହି କାର୍ଯ୍ୟକ୍ରମ ହୋଇଥିଲା । ଏହି କାର୍ଯ୍ୟକ୍ରମରେ ଅତିଥି ଭାବେ ମାନବ ଅଧିକାର କର୍ମୀ ସମାଜସେବୀ ଆଶିଷ ଖେତାନ, ସମାଜସେବୀ ଆନନ୍ଦ ମୋଟେ, ପାରା ଲିଗଲ ସ୍ୱେଚ୍ଛାସେବୀ ଯୁଗଳ କିଶୋର ଶବର, ଅମିତ ଅଗ୍ରୱାଲ ସମାଜସେବୀ, ଲବ ଅଗ୍ରୱାଲ, ବିଟୁ ସଂଘା ସହ ଅନ୍ୟମାନେ ଯୋଗ ଦେଇଥିଲେ । ଏହି ଅବସରରେ ଅତିଥିମାନଙ୍କ ଦ୍ଵାରା ଅନ୍ତେବାସୀ ମଧ୍ୟରେ ହୋଇଥିବା ବିଭିନ୍ନ ପ୍ରତିଯୋଗିତାରେ ବିଜୟୀମାନଙ୍କୁ ପୁରସ୍କୃତ କରାଯାଇଥିଲା । ବର୍ତ୍ତମାନ ଏହି ସବ୍ ଜେଲ୍ରେ ଥିବା ୭୩ ଜଣ ଅନ୍ତେବାସୀଙ୍କ ପାଇଁ କିଛି ଖାଇବା ସାମଗ୍ରୀ ବଣ୍ଟନ କରାଯାଇଥିଲା ଓ ମାନବ ଅଧିକାର ଏବଂ ବିଭିନ୍ନ ଆଇନଗତ ସୂଚନା ଅତିଥିମାନଙ୍କ ପକ୍ଷରୁ ଅନ୍ତେବାସୀଙ୍କୁ ସଚେତନ କରାଯାଇଥିଲା ।