ହିନ୍ଦୋଳ : ଢେଙ୍କାନାଳ ଜିଲ୍ଲା ହିନ୍ଦୋଳ ଉପଖଣ୍ଡ କାରନ୍ଦା ଗ୍ରାମ ସାନସାହିରେ ହାତୀ ଆକ୍ରମଣରେ ଜଣେ ବୃଦ୍ଧଙ୍କର ମୃତ୍ୟୁ ହୋଇଥିବା ଜଣାପଡିଛି । ସୂଚନାନୁଯାୟୀ, ସାନସାହିର ମାହୁଳି ପ୍ରଧାନ (୭୦) ବିଲକୁ ଧାନ ଫସଲ ଦେଖିବାକୁ ଯାଇଥିବା ବେଳେ ଏକ ଦନ୍ତା ହାତୀ ହାବୁଡ଼ରେ ପଡ଼ିଯାଇଥିଲେ । ଏହି ସମୟରେ ହାତୀଟି ବୃଦ୍ଧଙ୍କୁ ଦାନ୍ତରେ ଭୁଷି ଦେଇଥିବା ଯୋଗୁଁ ତାଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି । ଗତକାଲି ସକାଳେ ହାତୀ ଆକ୍ରମଣରେ ହାତୁରା ପଞ୍ଚାୟତ ପଡ଼ା ଗ୍ରାମର ଟଙ୍କଧର ଭୋଇଙ୍କ ମୃତ୍ୟୁ ହୋଇଥିଲା । ଏବେ ମାହୁଳିଙ୍କ ମୃତ୍ୟୁ ପରେ ଗ୍ରାମବାସୀମାନେ ଆତଙ୍କିତ ହୋଇପଡ଼ିଛନ୍ତି ।