ବଲାଙ୍ଗିର, (କେପିଏନ୍ଏସ୍) : ଜିଲ୍ଲା ବନ ଅଧିକାରୀ ନୀତିଶ କୁମାରଙ୍କ ନିର୍ଦ୍ଦେଶରେ ଗତକାଲି ରାତିରେ ବଲାଙ୍ଗିର ରେଞ୍ଜ ବନ ବିଭାଗ ପକ୍ଷରୁ ପେଟ୍ରୋଲିଂ କରିବା ସମୟରେ ଚନ୍ଦନଭାଟି ନିକଟସ୍ଥ ଦୁହାନପାଲିଠାରେ ଶାଳ ଓ ରେଙ୍ଗାଲ ଗଣ୍ଡି ବୋଝେଇ ଏକ ଟ୍ରାକ୍ଟରକୁ ଧରିଥିଲେ । ଅନ୍ଧାର ରାତିର ସୁଯୋଗ ନେଇ ଡ୍ରାଇଭର ସହିତ ଅନ୍ୟମାନେ କାଠ ଗାଡ଼ି ଛାଡ଼ି ପଳାଇଥିବା ବେଳେ ଗାଡ଼ିକୁ ଜବତ କରି ବଲାଙ୍ଗିର ରେଞ୍ଜର ବନ ବିଭାଗ ନେଇ ଆସିଥିଲେ । ଏହି ଗାଡ଼ି ସହିତ କାଠକୁ ସିଜ୍ କରି କେସ୍ ରୁଜୁ କରାଯିବ ବୋଲି ସୂଚନା ରହିଛି । ତେବେ ଟ୍ରାକ୍ଟରଟି କାହାର, କିଏ ନେଇଥିଲା ତାହା ଜଣାପଡ଼ିନାହିଁ । ଏହି ଚଢ଼ାଉରେ ରେଞ୍ଜର କେଶବ କିଶୋର ନାୟକଙ୍କ ନେତୃତ୍ୱରେ, ଫରେଷ୍ଟର ବ୍ୟାସଦେବ ସାହୁ, ରଞ୍ଜିତ କୁମାର, ଅଶୋକ ସେଠ୍, ପାରା ଷ୍ଟାଫ୍ ସହିତ ଅନ୍ୟ କ୍ରମଚାରୀ ସାମିଲ ଥିଲେ ।