ଶୀତ ଋତୁ ଆରମ୍ଭ ହୋଇଛି । ଏପରି ପରିସ୍ଥିତିରେ ଯେଉଁମାନେ ଓଜନ ହ୍ରାସ କରନ୍ତି ସେମାନଙ୍କୁ ବହୁତ ସଂଘର୍ଷ କରିବାକୁ ପଡିବ । ଶୀତଦିନେ ଆମର ଖାଦ୍ୟ ବଢ଼ିଥାଏ ଏବଂ ଶାରୀରିକ ପରିଶ୍ରମ କମ୍ ହୋଇଯାଏ । ଯେଉଁଥି ପାଇଁ ଆମର ଓଜନ ଦ୍ରୁତ ଗତିରେ ବଢ଼ିବା ଆରମ୍ଭ କରେ । ଯଦି ଆପଣ ଓଜନ ହ୍ରାସ କରିବାକୁ ଚେଷ୍ଟା କରୁଛନ୍ତି ଓ ନିରୋଗ ରହିବାକୁ ଚାହୁଁଛନ୍ତି, ତେବେ ଶୀତ ଋତୁରେ କିଛି ଘରୋଇ ଉପଚାର ଗ୍ରହଣ କରନ୍ତୁ । ପେଟରୁ ଚର୍ବି ମଧ୍ୟ କମିଯିବ ।
ଓଜନ ହ୍ରାସ କରିବା ପାଇଁ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଯୋଗ, ବ୍ୟାୟାମ ସହିତ ଆପଣଙ୍କ ଖାଦ୍ୟର ବିଶେଷ ଯତ୍ନ ନେବା । କିଛି ଜିନିଷ ବିଷୟରେ ଜାଣନ୍ତୁ, ଯାହାକୁ ଡାଏଟରେ ଅନ୍ତର୍ଭୁକ୍ତ କରିବା ଜରୁରୀ ।
ସ୍ୱାସ୍ଥ୍ୟ ପାଇଁ ଲାଉ ବହୁତ ଲାଭଦାୟକ ବିବେଚନା କରାଯାଏ । ସ୍ୱାମୀ ରାମଦେବଙ୍କ ଅନୁଯାୟୀ, ଯଦି ଆପଣ ନିରୋଗ ରହିବାକୁ ଚାହୁଁଛନ୍ତି, ତେବେ ପ୍ରତିଦିନ ସକାଳେ ଲାଉ ଜୁସ୍ ପିଅନ୍ତୁ । ଏହା ଓଜନ ହ୍ରାସ କରିବ ଏବଂ ଅନେକ ରୋଗରୁ ମଧ୍ୟ ମୁକ୍ତି ଦେବ ।
ଶୀତ ଋତୁରେ ପିଜୁଳି ପ୍ରଚୁର ପରିମାଣରେ ଆସିଥାଏ । ଏଥିରେ ଫୋଲେଟ୍, ଭିଟାମିନ୍ ଏ, ସି, କେ ସହିତ ଫାଇବର୍ ଥାଏ । ଯାହା ଆମର ମେଟାବୋଲିଜିମ୍ ତ୍ୱରାନ୍ୱିତ କରିବାରେ ସାହାଯ୍ୟ କରେ । ଏହା ଏକାନ୍ତ ଉପକାରୀ ଶୀତ ଋତୁରେ ।
ସ୍ୱାସ୍ଥ୍ୟ ପାଇଁ ତ୍ରିଫଳା ବହୁତ ଲାଭଦାୟକ ବୋଲି ବିବେଚନା କରାଯାଏ । ହରିଡ଼ା, ବାହାଡ଼ା ଏବଂ ଅଁଳାରୁ ନିର୍ମିତ ତ୍ରିଫଳା ଓଜନ ହ୍ରାସ କରିପାରେ ଏବଂ ଅମ୍ଳତା, କୋଷ୍ଠକାଠିନ୍ୟ ଭଳି ପ୍ରମୁଖ ରୋଗରୁ ମୁକ୍ତି ଦେଇପାରେ ।
ମେଥିରେ ଔଷଧୀୟ ଗୁଣ ରହିଛି । ଯାହା ଓଜନ ହ୍ରାସ ସହିତ ଉଚ୍ଚ ରକ୍କ୍ତଚାପ, ବ୍ଲଡ ସୁଗାରକୁ ନିୟନ୍ତ୍ରଣ କରିପାରିବ । ଏଥିରେ ମିଳୁଥିବା ଗ୍ଲେକ୍ଟୋମେନନ୍ ଉପାଦାନ ଭୋକକୁ ନିୟନ୍ତ୍ରଣ କରିଥାଏ । ଏହା ସହିତ ମେଟାବୋଲିଜିମ୍ ଭଲ କାମ କରେ ।
ଭିଟାମିନ୍ ଏ ସହିତ ଗାଜରରେ ଫାଇବର ଭରପୂର ଥାଏ । ଏହା ସହିତ, ଏଥିରେ ବହୁତ କମ୍ କ୍ୟାଲୋରୀ ଥାଏ । ଯାହା ଆପଣଙ୍କୁ ଓଜନ ହ୍ରାସ କରିବାରେ ସାହାଯ୍ୟ କରେ ଜ୍ଝ ତେଣୁ ଏହାକୁ ପ୍ରତିଦିନ ସାଲାଡ କିମ୍ବା ସୁପ୍, ଖାଦ୍ୟରେ ପନିପରିବା ଭାବରେ ମଧ୍ୟ ଗ୍ରହଣ କରାଯାଇପାରେ ।