ପାଟଣାଗଡ଼, (ଗୋରେଖନାଥ ବରିହା) : ଆଜି ରାଜ୍ୟସଭା ସାଂସଦ ନିରଞ୍ଜନ ବିଶିଙ୍କର ଘସିଏନ ପଞ୍ଚାୟତ ସମିତି କଲେଜ ଓ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପରିଦର୍ଶନ । ଅଭିଭାଷଣ ମାଧ୍ୟମରେ ଛାତ୍ରଛାତ୍ରୀମାନଙ୍କୁ ନିଜ ଭଳିଆ ସଂଘର୍ଷ କରି, ଭାରତର ମହାମହିମ ରାଷ୍ଟ୍ରପତି ଶ୍ରୀମତୀ ଦ୍ରୌପଦୀ ମୁର୍ମୁଙ୍କ ଭଳିଆ ସଂଘର୍ଷ ଜୀବନ ଅତିବାହିତ କରି ଭଲ ମଣିଷ ହେବାକୁ ପରାମର୍ଶ ଦେଇଥିଲେ । ବିନା ସଂଘର୍ଷରେ ସଫଳତା ଅସମ୍ଭବ । ସଂଘର୍ଷ କରି ସବୁ କ୍ଷେତ୍ରରେ ଭାଗ ନେଇ ନିଜକୁ ପାରଦର୍ଶିତା ହାସଲ କରିବାକୁ କହିଥିଲେ । ଅସଫଳରୁ ହିଁ ସଫଳତାର ପାହାଚକୁ ଅତିକ୍ରମ କରିହୁଏ ବୋଲି ଛାତ୍ରଛାତ୍ରୀଙ୍କୁ ପୁନର୍ବାର ପରାମର୍ଶ ଦେଇଥିଲେ । ବିଗତ ଦିନରେ ବିଭିନ୍ନ ପ୍ରତିଯୋଗିତାରେ ଭାଗ ନେଇ ସଫଳତା ହାସଲ କରିଥିବା ଛାତ୍ରଛାତ୍ରୀମାନଙ୍କୁ ପୁରସ୍କୃତ କରିଥିଲେ । ପରେ କଲେଜର ସବୁ ଶ୍ରେଣୀ ଗୃହ ଓ କାର୍ଯ୍ୟାଳୟ ପରିଦର୍ଶନ କରିଥିଲେ । କଲେଜର ଆହୁରି ବିକାଶ ପାଇଁ କଲେଜର ଅଧ୍ୟକ୍ଷ ମହାଦେବ ମେହେର, ଛାତ୍ରଛାତ୍ରୀ ମାନେ ସାଂସଦଙ୍କୁ ଅବଗତ କରିଥିଲେ । ପ୍ରତ୍ୟୁତ୍ତରରେ ସାଂସଦ ସବୁ ପ୍ରକାର ବିକାଶ କରିବା ପାଇଁ ପ୍ରତିଶୃତି ଦେଇଥିଲେ । କଲେଜକୁ ଏକ ଆଦର୍ଶ ମହାବିଦ୍ୟାଳୟ କରିବାକୁ ସମସ୍ତ ଙ୍କର ସହଯୋଗ କାମନା କରିଥିଲେ । ସେହିପରି ଘସିଏନ୍ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଅଚାନକ ପରିଦର୍ଶନ କରିଥିଲେ । ପରିଦର୍ଶନ ସମୟରେ ହସ୍ପିଟାଲରେ କୌଣସି ଡାକ୍ତର ନଥିଲେ, ଡାକ୍ତରଙ୍କ ଚୌକି ଖାଲି, ଡାକ୍ତର ଥିବା ଦୂରର କଥା ନର୍ସ ମଧ୍ୟ କେହି ନଥିଲେ । ରୋଗୀମାନଙ୍କୁ ସିକ୍ୟୁରିଟି ମାନେ ଦେଖା ଶୁଣା କରୁଥିଲେ । ରୋଗୀମାନେ ଭଗବାନଙ୍କୁ ଭରସା କରି ରହିଛନ୍ତି । ଡ଼ାକ୍ତରଖାନା ଅଧ୍ୟକ୍ଷ ଓ ଡାକ୍ତରଖାନାର ଅବହେଳା ଦେଖି ସାଂସଦ କ୍ଷୋଭ ପ୍ରକାଶ କରିଥିଲେ ।