ବଙ୍ଗୋମୁଣ୍ଡା, (ଗୁରୁଦୟାଲ ହଂସ) : ବଙ୍ଗୋମୁଣ୍ଡା ବ୍ଲକ ଯୁରାବନ୍ଧ ପଞ୍ଚାୟତ ଛତ୍ରଙ୍ଗ ପ୍ରାଥମିକ ସ୍କୁଲରେ ଶିକ୍ଷକ ନିଯୁକ୍ତି ପାଇଁ ଦାବୀ ହେଉଛି । ଏହି ସ୍କୁଲରେ ବର୍ତ୍ତମାନ ୧୧୮ ଜଣ ଛାତ୍ରଛାତ୍ରୀ ପାଠ ପଢୁଛନ୍ତି । ସେମାନଙ୍କୁ ପଢାଇବା ପାଇଁ ମାତ୍ର ୨ ଜଣ ଶିକ୍ଷକ ଅଛନ୍ତି । ତନ୍ମଧ୍ୟରୁ ଜଣେ ବିଭାଗୀୟ କାର୍ଯ୍ୟାଳୟକୁ କୌଣସି କାମରେ ଗଲେ ଜଣେ ମାତ୍ର ଶିକ୍ଷକରେ ସ୍କୁଲ ସମ୍ଭାଳିବା କଷ୍ଟକର ହେଉଛି । ତେଣୁ ତୁରନ୍ତ ଏହି ସ୍କୁଲରେ ଶିକ୍ଷକ ଯୋଗାଇ ଦେବାକୁ ଦାବୀ ହେଉଛି । ଏ ବାବଦରେ ଏବିଇଓ ଜୟନ୍ତ ପଧାନଙ୍କୁ ଯୋଗାଯୋଗ କରିବାରୁ ପ୍ରସ୍ତାବ ପଠାଯାଇଛି । ମଞ୍ଜୁରି ମିଳିବା ପରେ ଶିକ୍ଷକ ଦିଆଯିବ ବୋଲି ସେ କହିଛନ୍ତି ।