ବଲାଙ୍ଗିର, (କେପିଏନ୍ଏସ୍) : ରୋଟାରି କ୍ଲବ ଅଫ୍ ଏଲିଟ୍ର ଅଧିଷ୍ଠାନ ଦିବସ ସ୍ଥାନୀୟ ସାମ୍ବାଦିକ ଭବନରେ ଅନୁଷ୍ଠିତ ହୋଇଯାଇଛି । କ୍ଲବର ବରିଷ୍ଠ ସଦସ୍ୟ ଧର୍ମେନ୍ଦ୍ର ନନ୍ଦଙ୍କ ସଂଯୋଜନାରେ ଅନୁଷ୍ଠିତ ଉତ୍ସବରେ ଡିଷ୍ଟ୍ରିକ୍ଟ ଗଭର୍ଣ୍ଣର ରୋଟାରିଆନ ମନଜିତ ସିଂ ଅରୋରା ଅତିଥି ଭାବରେ ଯୋଗ ଦେଇଥିଲେ । କ୍ଲବର ସମସ୍ତ ସଦସ୍ୟଙ୍କୁ ଏକାଠି ହୋଇ ନୂତନ ପରିକଳ୍ପନାର ସହ ସାମାଜିକ କାର୍ଯ୍ୟକ୍ରମରେ ସଭାପତି ସନ୍ଦିପ ପାଣିଗ୍ରାହୀ ବାର୍ଷିକ ବିବରଣୀ ପ୍ରଦାନ କରିଥିବା ବେଳେ ସମ୍ପାଦିକା ନୂତନ ନାଏକ ସ୍ୱାଗତ ବକ୍ତବ୍ୟ ରଖିଥିଲେ । ରିଙ୍କୁ ପାତ୍ର, ମମତା ପରମାର ପ୍ରମୁଖ ମଞ୍ଚାସୀନ ଥିଲେ । ଏହି ଅବସରରେ କ୍ଲବର ବାର୍ଷିକ ମୁଖପତ୍ର ‘ପ୍ରତିବିମ୍ବ’କୁ ଉନ୍ମୋଚନ କରାଯାଇଥିଲା । ଏହାସହ ୨୦୨୨-୨୩ ବର୍ଷ ପାଇଁ ରିଙ୍କୁ ପାତ୍ରଙ୍କୁ ନୂତନ ସଭାପତି ଓ ମମତା ପରମାରଙ୍କୁ ନୂତନ ସମ୍ପାଦିକା ଭାବେ ଦାୟିତ୍ୱ ଦେବା ସହ ନାମ ଘୋଷଣା କରାଯାଇଥିଲା । କାର୍ଯ୍ୟକ୍ରମରେ କ୍ଲବର ସମସ୍ତ ସଦସ୍ୟ ସଦସ୍ୟା ସହଯୋଗ କରିଥିଲେ ।