ସୁଲତାନପୁର : ଲଖନଉ ସ୍ଥିତ ସୁଲତାନପୁର ଅନ୍ତର୍ଗତ କୋତବଲୀର ବାଇପାସ ସ୍ଥିତ ଆଦରା କମନଗଡରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟି ୫ ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି । ସୂଚନାନୁସାରେ ମୃତକଙ୍କ ମଧ୍ୟରେ ମହିଳା ସାମିଲ ରହିଛନ୍ତି । ଉକ୍ତ ଯାନରେ ପ୍ରାୟ ୮ ଜଣ ଯାତ୍ରା କରୁଥିଲେ । ଖବର ପାଇ ସ୍ଥାନୀୟ ଲୋକେ ପୁଲିସକୁ ଖବର ଦେଇଥିଲେ । ପୁଲିସ ଓ ଉଦ୍ଧାରକାରୀ ଦଳ ଘଟଣା ସ୍ଥଳରେ ପହଞ୍ଚି ଆହତଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରାଯାଇଛି । ଆହତଙ୍କ ମଧ୍ୟରୁ ୪ ଜଣଙ୍କ ଅବସ୍ଥା ଗୁରୁତର ରହିଛି । ସେମାନଙ୍କୁ ଲଖନଉ ସ୍ଥାନାନ୍ତର କରାଯାଇଛି ।